《造星III》花姐鬧爆袁晴晴人前人後兩個樣 狠批靠新聞上位 iuTV真人騷《全民造星III》昨晚（2日）首播，今屆主要是已入行、有經驗的人參賽，由83人爭奪50個入圍名額。節目請了導師郭偉亮（Eric Kwok）、卓韻芝及鄧建明（Joey Tang）擔任評審，如果三個評審當中有兩個人或以上評定參賽者合格的話，導師林二汶和彭秀慧就要鬧快搶參賽者入自己組別。不合格的參賽者就被分配至復活區，等待空位。而合格但未得導師挑選的人，就要交由評審決定組別。 事關袁晴晴開頭被鬧後仍笑笑口地接受訪問，但之後在台上就楚楚可憐的樣子。花姐生氣的表示：「啱啱我見到一個shot就係，我見你係pantry，好開心咁做緊訪問。所以麻煩你，唔好畀呢個樣我睇。」 之後花姐更指袁晴晴無實力，只想靠新聞搏上位，問她是否仍有這種想法，她爆喊回應：「我好想紅，但我都好想行正面，我係一個女仔，我都唔想行負面。」花姐沒有理會繼續喝罵：「你認為你都係有新聞可以紅呀！你不停咁樣諗呀！你不停同我講你唔想要negative嘅形象，但你不停地同人講你係做花瓶呀！」 雖然花姐出手踢爆袁晴晴真面目，不過節目沒有講明她是否會留低，留下懸念 #全民造星 #花姐 #VIUTV #袁晴晴