「鬼怪大叔」孔劉又有新戲啦！今次仲係搭檔小鮮肉朴寶劍出演電影《複製人徐福》，電影將於 12 月上映，有兩大男神加持，呢個陣容真係唔睇唔得！ 《複製人徐福》係韓國史上首部以複製人為題材嘅電影，製作費高達 100 億韓幣（約 7000 萬港幣）。 故事講述「徐福」（朴寶劍 飾）係首個複製人，擁有不死之身並掌握永生秘密，各方勢力都想得到佢。前情報局特工「奇憲」（孔劉 飾）收到指示保護「徐福」，兩人攜手對抗多方勢力。 電影已經公開咗預告，最近都釋出咗劇照，孔劉今次化身滄桑特工，個鬚根 look 真係冇得輸，佬味十足，超級型！ 朴寶劍純情嘅形象，加埋呢個無辜可愛嘅眼神，真係睇到個心都融埋～ 早前公開咗電影預告，睇完預告更加期待啊！ #複製人徐福 #韓國電影 #孔劉 #朴寶劍