港龍(即係國泰港龍，未見過咁ON9嘅改名方法) 收皮，有空姐大嘆港龍係代表香港嘅一個時代，落得如此下場好慘，好可悲。 乜真係咩？我地望下WIKI： 「港龍航空於1985年5月由商人曹光彪、包玉剛、霍英東及中資機構華潤、招商局等組成的「港澳國際投資有限公司」成立，希望創辦一家有中資背景的本地化航空公司，與當地長期處於壟斷地位的英資公司香港國泰航空有限公司競爭。」 冇錯，港龍係一間由成立開始已經係想由中資背景控制嘅航空公司，只係比當時民航處阻止，未能成事(雖然都只係比英藉包玉剛做大股東咁解)。 做咁耐蝕咁耐，最後股東要唔順，國泰食住上。當初想同國泰競爭，最後做埋國泰子公司。 就算國泰今次唔執港龍，死命力保，比佢挨到武肺完結，載客量回復正常，港龍高不成低不就嘅定位都注定等死。 除咗多幾千個人加入失業大軍之外，港龍執笠，我真係感受唔到半點可悲。 #國泰 #港龍 #國泰大裁員 #因航