(續上) 大批員工被炒？ 張原本讓員工選擇即日或每半個月出糧，霖起初是即日領薪，她說後來對方一再說資金不足而延至每半個月一次，「每個月出都唔緊要，啲支票寫錯你名，張張都寫錯咁濟」，她説起碼有一半員工的支票都有出錯，又說張取回支票後多次塗改，無法兌換支票。 張則指，每天出現金糧對餐廳會計有很大問題，「揸住張工卡，删左佢（原本上下班時間），跟住 8.5 個鐘出糧…….跟住原來佢所謂嘅8.5個鐘，計錯數，係7.5個鐘」「你計個時間計錯咗，出咗糧，簽咗紙喇，跟住我可以問邊個追究呢？」，所以他最後更改了即日出糧的規定，他又指要他經營多間龍門分店，多名員工需要支票出糧，無可避免有出錯，但只是個別個案。霖後來以有個人資料為由拒絕出示該張出錯的支票，前員工事後亦稱支票出錯是個別事件。 前員工 N 說，他是其中一個第一批被炒的員工，任職只有約一個月，他說張曾與員工開會商量「出糧」問題，而在會上有提出問題的員工都被解僱，涉及約10人，他們領回剩下薪水時需簽一份文件，稱是自願離職，他事後從其他人口中得知自己被解僱的原因是「以下犯上」，「佢（張）唔係唔想解決嗰問題，佢只係想解決提出問題嘅人」。 另一名前員工豆釘仍是學生，她說在職期間亦受到針對，幾乎整日洗碗，她後來在考試期間沒有「報更」專心溫習，管理人曾問她會否再報更，事後不久就將她踢出公司群組，她猜測公司管理人員懷疑她是「內鬼」，在網上透露餐廳的問題而將她解僱。 問及解僱員工的原因，張俊傑連問「點解會話我炒咗人嘅？點解會話我炒咗人嘅？」又說「若果我直接炒左人，冇」，「佢哋入面，我冇自己見面請過一個人，亦都冇自己見面去炒過一個人」。 前員工對此回應表示嘩然，形容張有「獨特的炒人方法」，「先通知員工接下來暫時不用上班，再把員工從公司所有 WhatsApp 群組移除，然後就再沒有回音」，他們認為手足動輒便「被失去」工作，質疑張是否有意幫助手足。 張俊傑指，瓏的員工開了一個「劈炮唔撈群組」，形容它是「一個笑我嘅群組」，他說不知道為何與該批員工對他有不滿，「如果我對員工有問題，咁點解我七間冰室冇員工對我有咁嘅指控呢，若果淨係隔離手作輕食嘅人對我有咁多指控，我去到最尾真係諗唔明」，他自言「我都好懷疑人生」。他在訪問近結束時表示，被「公開指罵」 3 個月，他起初很難受，「自己都懷疑做嗰啲嘢其實啱唔啱，亦都有諗過放棄啦，有諗過自殺，有諗過唔做龍門 」「真係好艱難嘅決定，我知有好多人要等緊我去幫，所以我堅持到今日」。 Credit: 立場記者：趙婉晴、陳朗昇 thestandnews.com/politics/龍門爭議最終章-被指抽起聖誕卡現金-張俊傑稱換成禮物送出-粉筆少女-批員工不足全日洗碗 每次都帶個頭盔：個人2間都少食，因為有更多小黃店真係冇咩生意 利申：我立場係自稱黃店都係一種文宣，有文宣即係有付出， 咁就唔好踩佢地啦 #睇完記得去食黃店 #只望大家一齊進步 #非分化 #黃店花生 #黃店之亂 #龍門 #渣哥 #水門雞