當局者迷，多謝文匯咁了解黃色經濟圈🙈 等紅面具帶大家了解下龍門VS渣哥🙈 #睇完記得去食黃店 #只望大家一齊進步 #非分化 #黃店花生 #黃店之亂 #龍門 #渣哥 #水門雞 肥佬黎等一直吹奏嘅「黃色經濟圈」有幾掂，睇睇《蘋果》呢兩日停派就冇人要，大家都心中有數啦。為爭食「人血饅頭」，同圈人一係見人哋賺到就眼紅分化，一係直接靠互揭瘡疤搶客，加之好多「黃店」質素始終麻麻，近日就不斷有「黃店」執笠，仲要係出名店舖𠻹。不過，就算去到呢一步佢哋都仲內訌不斷，有網民就喺網上討論區「連登」分析幾間有分店執笠嘅「黃店」係由於當日「鬥黃」，故今日應有此報，點知講講吓連班網民都內訌埋。咁又難怪嘅，俗語都有話，有咩嘅客人就有咩嘅舖頭嚕。 話說去年以「香港人嘅冰室資源分享中心」自居嘅「人血龍門」，靠「抗爭光環」同「人血饅頭」而財源滾滾，可惜始終逃唔過被「鬥黃」同排擠嘅命運。「渣哥一九九六」、「光榮冰室」同「水門雞泰式海南雞飯專門店」早前一齊揭露「人血龍門」食物質素差而且極唔衞生，又踢爆老闆張俊傑刻薄員工、欺詐「手足」嘅實況，「渣哥」仲捐咗10萬元畀所謂「612人道支援基金」，成功擊沉長期位於「黃營」食店龍頭地位嘅「人血龍門」。 網民：嘔返保就業嗰筆出嚟 不過，佢哋千算萬算都估唔到，張俊傑上周貼出一張證明佢喺今年1月已捐咗50萬元畀「手足」嘅入數紙，話自己真係忍唔住畀嗰幾間「鬥黃店」成日唱衰喎，仲話一直唔影收據係唔想吹噓自己同被警方搵到「罪證」，但??家真係忍無可忍，仲聲稱自己仲有成疊入數收據，可以「鬥黃」鬥到底。 呢個post成功令大批「黃絲」唾棄「渣哥」、「光榮」同「水門雞」，而且可能「鬥黃」成本太高，「光榮」喺葵芳嘅分店前日正式關門大吉，但就推諉執笠係因政府「抗疫不力」所致。「渣哥」亦喺facebook宣布，藉口話「兩位服務多年的年邁姐姐相繼罹患重病」，所以「有點心灰」，決定明年月底銅鑼灣總店將不再營業，但嚟緊會再開分店，噚日仲學人搞「公投」，唔了解行情，都仲以為佢哋幾受「歡迎」??。 網民「漢堡fans」就貼咗個笑到見牙唔見眼嘅表情：「你哋都有今日。」「范加尔」就提醒：「執還執，保就業果（嗰）一半記得要還返出黎（嚟）」「紅磡黎明」質問：「執笠有冇炒手足呀？出嚟講兩句吖。」「Heheheheheee」就話：「抵死！批鬥龍門！下次唔好再『鬥黃』啦」 有支持者就火滾衝出嚟「護航」，「通街都係處」即刻扮公道回應話：「黃店執笠點都係可惜既（嘅）事，你哋唔使分化」、「光榮執笠而落井下石抽水就係分化。」「吳沚默（迷摩）」就反問：「當日佢哋批鬥龍門你有冇咁同佢哋講？人哋龍門開始用心整嘢食，你班×街喺度冷嘲熱諷又唔係分化？」「風吹名無」就認為：「先撩者賤，×唔×我都唔會食，渣狗班×樣快×啲執×呇活恁v 水門雞貼粗口趕客標語 眼見「渣哥」同「光榮」齊齊有舖頭執笠，「水門雞」上周就逆市開店，仲喺尖沙咀新店嘅牆度印住「食快×啲 我要翻檯」，不過仲未開門營業，反響就好差。「Sukmit Gurung」就覺得「水門雞」太寸：「食得慢都得罪你，咪做飲食啦好嗎？飲食唔係淨係一盤生意。」「Jamie tang」就話：「可能光榮同渣哥唔夠你對啲客寸，所以佢哋要執笠嚕！」「手作達人」吳斯翹（Billie Ng）都好好奇，話：「（唔知）咩人咁喜歡貼錢畀人×。」 落返個credit比：香港文匯報記者 鄭治祖 帶個頭盔：個人2間都少食，因為有更多小黃店真係冇咩生意 利申我立場係自稱黃店都係一種文宣，有文宣即係有付出， 咁就唔好踩佢地啦