【四牙全走】 全長: 約10.5公里 時長: 約7小時 (連影相及大休) 難度: ★★★✩✩ 狗牙嶺相信大家行山嘅都已經好熟悉呢個山名, 但一直都被定為考牌路線嘅三牙及四牙全走我就未正式嘗試過, 其實襯依家天氣咁凍又唔會落雨, 所以都係時候挑戰一下所謂嘅考牌路線, 考得嘅就揀晒四隻牙全走啦！ 四牙分別為: 西狗牙、東東狗牙(即狗麻脊)、東狗牙及中狗牙。 先由石壁警崗步行至塘福引水道出發, 行經貝納祺徑直至到西狗牙入口。 西狗牙, 相信不少人都行過, 此牙係四牙之中比較行程長少少, 而且有少少要用手攀爬, 其實唔算太難, 一小時左右就上到去西狗牙頂, 跟住就好快過了一線生機, 直落東東狗牙入口。 東東狗牙(即狗麻脊), 其實係四牙之中最唔好行, 因比較斜而且幾乎全段都係碎砂石路, 加上天氣乾燥, 基本上係跣住落山, 亦係滕頭嘅大考驗, 差不多一小時已經落回引水道進行大休開餐。 東狗牙, 大休開餐後便急促再上山, 此牙全段幾乎直上, 甚少平位可以小休, 全段比較難係上段, 比較斜而且亦多碎砂石, 都係要用手靠草頭樹根攀爬上頂。 中狗牙, 由於行了三牙後尚有多餘時間, 於是便輕輕鬆鬆慢慢行, 影下相放下航拍機, 此段路線係四牙中最容易, 除了末段有少許碎砂石路外, 基本上都過份輕鬆便完成。 四牙全走後感: 比想像中輕鬆得多, 整個過程都唔算辛苦, 亦無攰嘅感覺, 算係輕鬆完成。 . 路線參考: trailwatch.hk/app/?t=activities&aid=540230 . Like my Facebook Page: facebook.com/HikerKit.siu Follow my IG: instagram.com/hiker_kit.siu Add my MeWe: mewe.com/i/hikerkitsiu Add my nearD: neard.com/profiles/41411 . #山系 #Hiking #小黃人 #傑少 #狗牙嶺 #四牙全走
:background_color(white)/https://avatar-storage.neard.com/27b8798809b01966dfe65d9bd8caec2f.jpg)
:background_color(white)/https://avatar-storage.neard.com/65b82e30d6e303c317b7728426d4a6a7.20200902051731.1599023851.319.jpeg)
:background_color(white)/https://avatar-storage.neard.com/b12254ae30e4b2ff94627a6ac67359fe.jpg)
:background_color(white)/https://avatar-storage.neard.com/c61dc75446838a125dbd9790b4c06801.jpeg)