Shek Lei Hill Village

22.3647716,114.1416839

Shek Lei Hill Village

Shek Lei Hill Village

Feeds

🥂馳名爆漿湯圓 🍽 ————————————————————— 佳節又元宵,人月兩團圓🌕元宵又點少得湯圓呢?呢間三十年街坊店以家庭式小舖日賣千粒湯圓,湯圓全部每日人手新鮮搓製,係2021年仲上埋米芝蓮街頭小食店🏵 💗芝麻生湯圓($42/ 10粒) 軟糯煙韌又不黐牙。芝麻餡係自家生磨再加入豬油炒,所以味道特別濃厚,有流沙效果🖤 💗花生生湯圓($42/ 10粒) 咬落去係流心花生餡,充滿花生嘅鹹香味,仲有花生幼粒同白芝麻增加口感🥜 味道指數:😋😋😋😋😋 扺食指數:💲💲💲💲 📍福元湯圓Fook Yuen 北角炮台山福元街7號利都樓地下I-1舖 #hkfoodie #香港美食 #美食推薦 #吃貨 #打卡 #相機食先 #元宵 #街頭小食 #甜品 #食好西 #米芝蓮 #芝麻 #花生 #湯圓 #糖水 #宵夜 #黃店 #neard好西

🥂不「籽」是咖啡店咁簡單🍽 ——————————————— 餐廳有著「種籽」嘅意思,因為老闆熱愛咖啡☕️希望將從巴西、埃塞俄比亞、印尼等地選取嘅咖啡豆帶俾每一位客人,而且主打多款日式輕食🍱 💗龍蝦湯配牛油果大蝦稻庭烏冬 ($128) 扁身烏冬口感煙韌,掛湯效果唔錯🍜加入自家烹製嘅龍蝦湯,湯頭鮮甜味濃🦞配料包括有4隻阿根廷嘅爽口彈牙大蝦🦐;牛油果片未夠熟唔太軟滑,配落熱湯唔太夾🥑;夾雜少量鮮美嘅蟹肉;加埋清新嘅沙律菜同紫菜絲🥗 💗味增蟹醬蟹籽蟹肉扁意粉($128) 意粉軟硬適中,每條扁麵都掛住濃郁且不膩嘅忌廉汁🍝上面放滿甘香嘅味噌蟹膏醬、脆卜卜嘅蟹籽同鮮甜嘅手拆蟹肉,蟹味極突出🦀再灑上紫菜同木魚碎增加和風口味🇯🇵 💗海鹽焦糖雞翼($68) 單骨雞翼食落特別方便,外表炸得香脆,內𥚃肉質仲係嫩滑多汁🐥甜蜜嘅焦糖醬帶小小海鹽嘅鹹香🧂 💗Matcha Latte($45) 抹茶清香唔澀,不過奶底太薄,味道偏淡🍵 💗Chocolate ($37) 朱古力味唔算特別濃郁純厚,飲落都夠順滑🍫 味道指數:😋😋😋😋😋 扺食指數:💲💲💲💲 環境指數:😍😍😍😍😍 💰人均消費:$101-200 📍不籽是咖啡Not Just Coffee 油麻地彌敦道450號文豪閣地下D號舖 #hkfoodie #打卡 #香港美食 #美食推薦 #吃貨 #相機食先 #咖啡店 #咖啡 #意粉 #食好西 #牛油果 #甜品 #黃店 #油麻地美食 #烏冬 #蟹 #nearD好西

🥂可食用的藝術壽司🍽 ——————————————— 呢間餐廳嘅時令食材由北海道、豐州、九州等日本市場直送🇯🇵配角亦絕不馬虎,壽司飯採用北海道産七星米💮配上獨家調製壽司醋同豉油㊙️亦有世界級清酒供應🍶今次係晚市時段揀咗$880嘅’神樂’ Omakase,包括有前菜、刺身、和食料理、壽司等16道料理 💗兵庫縣生蠔 蠔身雪白飽滿,質地嫩滑,帶海水鹹味,略為偏腥🦪 💗煙燻醬油漬寒鰤魚 鰤魚肉質軟熟,配上醬油味同煙燻香,濃味鹹香之選🪵 💗象拔蚌刺身 象拔蚌口感爽脆,以偏酸嘅柚子醋同青檸調味,非常開胃🍋 💗深海池魚 深海池魚肉質細緻爽口,魚味特別濃郁🌊 💗汁煮八爪魚 八爪魚肉質帶嚼勁且不韌,連大根都吸收哂甜醬油汁🐙 💗旨煮鮟鱇魚肝 魚肝經法國紅酒慢煮,質感綿密接近入口即融,味道甘甜🍷 💗沙甸魚紫菜卷 魚肉捲住漬蘿蔔同蔥,咬落爽脆清新🐠 💗拖羅 拖羅油脂分佈平均,肉質軟滑筋少,加入紫蘇葉中和油膩感,再用香脆紫菜包住🌿 💗燒大蝦 大蝦肉質彈牙,配上用牛油炒過嘅枝豆、洋蔥、冬菇粒同紅蘿蔔粒,燒得非常惹味🍤 💗金目鯛壽司 金目鯛肉質爽滑,配上清甜嘅柚子啫喱,味道更清爽🍊 💗剝皮魚配魚肝壽司 剝皮魚肉質特別Q彈,配上甘香嘅生魚肝,完全唔會腥🐟 💗活赤貝壽司 赤貝爽口鮮甜🐚 💗白蝦伴海膽壽司 來自日本富山縣白蝦,每隻都晶瑩剔透,再配上幼滑細膩嘅日本海膽🦐 💗炙燒赤鯥壽司 赤鯥經炙燒後肉質變得更緊實,味道鮮美🍣 💗麵豉湯 麵豉湯加入蝦頭、豆腐粒同大蔥煲成成,飲落特別鮮味🍲 💗茶碗蒸 蒸蛋口感滑溜,清甜高湯味伴隨蛋香,配料有雞肉、蟹柳絲、冬菇同秋葵🥚 💗蔥吞拿魚蓉手卷 吞拿魚腩蓉幼細香滑,魚油脂香配上蔥香,以紫菜飯捲包住🌯 味道指數:😋😋😋😋 扺食指數:💲💲💲💲 環境指數:😍😍😍 💰人均消費:$101- $200 📍神樂Sushi Kagura 尖沙咀金馬倫道58-60號國鈀大廈地下B鋪 #hkfoodie #omakase #打卡 #香港美食 #美食推薦 #吃貨 #相機食先 #日本菜 #壽司 #刺身 #食好西 #廚師發辦 #蠔 #黃店 #尖沙咀美食 #海膽 #nearD好西

🥂鬧市的空中西餐廳🍽 ——————————————— 呢間餐廳兼備酒吧風同高級餐廳風🍷主打高質素西餐,由前星級酒店行政總廚主理🌟 💗燒雞肉配牛油果沙律(+$30) 新鮮翠綠嘅沙律菜以開胃嘅黑醋汁調味🥙燒雞肉肉質嫩滑,有輕微調味🐔加埋軟滑嘅牛油果片同車厘茄🥑 💗藜麥紅菜頭什菜沙律(+$25) 沙律菜新鮮爽脆冇苦澀味🥗加入清甜嘅紅菜頭粒同纖維極高嘅藜麥,仲有紫洋蔥🧅同車厘茄🍅 💗忌廉薯蓉湯(+$20) 餐湯飲落順滑濃稠,薯蓉令整體更綿密,忌廉嘅奶香亦非常突出🍲 💗油封鴨脾伴野菌意大利飯($138) 意大利飯粒粒煙韌入味,食落唔會過份黏口🇮🇹忌廉令整體口感更Creamy濃厚。有大量鹹香嘅油封鴨肉絲🦆配料仲有菇菌同洋蔥🍄 💗美式BBQ醬焗豬仔脾($158) 豬仔脾一切開就離骨,肉質非常軟腍,而且吸收哂美式燒烤醬非常惹味🍖配菜方面有烤薯仔🥔、烤彩椒🫑同意大利瓜🥒 💗朱古力慕絲蛋糕 慕絲蛋糕質地偏硬唔夠幼滑,食落朱古力味好淡,而且偏甜🍰 味道指數:😋😋😋 扺食指數:💲💲💲 環境指數:😍😍😍 💰人均消費:$101- $200 📍Bellevue Bar and Grill 旺角彌敦道558-560號譽發廣場23樓 #hkfoodie #打卡 #香港美食 #美食推薦 #吃貨 #相機食先 #沙律 #酒吧 #旺角美食 #食好西 #牛油果 #西餐 #黃店 #油麻地美食 #紀念日 #早午餐 #nearD好西

🥂日本京都過江龍吉列牛扒 🍽 ——————————————— 呢間餐廳主打各個部位嘅吉列牛,選用美國同紐澳牛肉🥩跟足總店做法,採用日本技術乾麵包糠,麵粉、雞蛋製作裹漿,牛扒以攝氏 190 高溫快炸60秒,更設燒爐俾大家自行燒至心水熟度🔥另外獨家推出豬扒同海鮮套餐🍤 💗極上和牛M9下肩胛套餐 ($275) 🍱套餐均送上漬物、麥飯、椰菜沙律同味噌湯 🇦🇺M9和牛外表金黃酥脆,內裡保持3成熟嘅鮮嫩熟度。油脂分佈均勻,肉質軟嫩,肉味濃厚,油脂甘香 🧂附有8種蘸料,包括山椒鹽、玫瑰鹽、綠芥末、七味唐辛子、鰹魚和風露、咖哩醬、招牌牛排醬同日式溫泉蛋 💗京都勝牛三味套餐 ($218) 🇺🇸分別有3個部位:翼板屬肩胛,帶少量油花,食落較有嚼勁,牛味特出;厚切菲力屬後腰內肉,肉質偏瘦,口感依然軟腍;薄片醬味牛以菲力配上自家調製醬汁,食落香甜惹味 💗藍柑荔枝味有氣特飲($36) 飲落酸甜清新,加上粒粒荔枝肉🍹 💗白桃蒟蒻冰茶($32) 紅茶底夠濃,帶出清香白桃味,配上Q彈蒟蒻🍑 味道指數:😋😋😋😋😋 扺食指數:💲💲💲 環境指數:😍😍😍😍 💰人均消費:$101- $200 📍京都勝牛Kyoto Katsugyu 銅鑼灣謝斐道535號Tower 535地庫B01號舖 #hkfoodie #香港美食 #美食推薦 #吃貨 #打卡 #相機食先 #和牛 #京都勝牛 #日本料理 #食好西 #銅鑼灣美食 #燒肉 #定食 #日本菜 #牛扒 #吉列牛 #nearD好西

🥂樓上輕鬆寫意的小時光🍽 #悲傷小姐愛西餐 #悲傷小姐出沒旺角 ——————————————— 天陰下雨濕濕,同三五知己食完野再想hea多陣先走,不防考慮呢間以梳化位設計嘅Cafe,一邊嘆🍵一邊食🍰,仲有大量旅行指南書睇同Board Game玩🃏 💗千島夏威夷Pizza ($188/10吋) 薄餅嘅厚度介乎於薄批同厚批之間,批邊焗得夠脆身,中間鬆軟🍕千島醬多咗少少,食落有d滯,好彩有大量菠蘿嘅酸甜中和番🍍火腿絲份量比較少🥓面層舖上滿滿嘅芝士,芝士味好重好香。 💗自家制手打牛肉漢堡包($98) 麵包烤至外層香脆,入面軟熟,好有彈性🍔牛肉漢堡扒做得厚身,食落牛味濃郁,口感嫩滑,但未算有好多肉汁,某d位有少少乾🐮配上被熱力迫到半溶嘅芝士同醬汁,特別香口惹味🧀再加上清新嘅火箭菜🥬、蕃茄🍅同煎香嘅紫洋蔥🧅,中和油膩感。 粗薯皇炸到外面金黃焦脆,裡內係綿密飽滿嘅薯蓉,好有薯仔味,點埋茄汁仲夠味🥔 💗越式炸蟹餅($42) 蟹餅外層炸得鬆脆唔油膩,內𥚃其實就係魚蛋加咗蟹柳絲做,無論口感同味道都好似龍蝦丸,肉質彈牙有咬口。點埋泰式辣醬,酸酸甜甜夠醒胃🦀 💗巨峰提子Q果梳打($45) 有氣嘅巨峰提子汁味道絕對唔似藥水,亦唔會假,不過再濃d會更突出🍇椰果份量足夠,咬落甜甜地又煙韌🍹 💗朱古力沙漠($52) 將朱古力奶昔做成沙冰🍫飲落冰涼幼滑,可惜朱古力味好淡,但勝在唔太甜,仲有朱古力醬同一條威化餅做裝飾🥛 味道指數:😋😋😋 扺食指數:💲💲💲 環境指數:😍😍😍 💰人均消費:$51-100 📍部屋咖啡室Homemadecafe  旺角登打士街43H號登打士廣場12樓 #hkfoodie #香港美食 #美食推薦 #吃貨 #打卡 #相機食先 #西餐 #薄餅 #甜品 #食好西 #旺角美食 #意粉 #輕食 #下午菜 #咖啡 #漢堡包 #neard好西

🥂樓上休閒茶飲Cafe🍽 ——————————————— 呢間餐廳除咗主打台灣特色手搖飲品,仲提供多樣化輕食🇹🇼環境舒適寬敞,裝潢新穎,設有打卡位,吸引唔少人慕名而來🦋 💗牛油龍蝦汁燴海鮮意大利飯($88) 意大利飯粒軟硬適中,食落唔會過份黏口🇮🇹龍蝦汁濃郁鮮美🦞海鮮包括有鮮蝦、青口同蜆肉,仲有少量車厘茄🍅、翠肉瓜粒🥒同洋蔥🧅作配料 💗白酒煮蜆配意粉($98) 意粉質感乾身而且偏硬🍝加入蒜片同辣椒炒成,食落微辛惹味🌶蜆肉都算大粒,食落鮮甜冇沙,重白酒味🐚 💗髒髒黑糖珍珠鮮奶($44) 珍珠微暖煙韌,但黑糖味唔夠突出。採用明治特濃鮮奶,口感順滑,奶味濃郁🧋灑上香純微苦嘅可可份,整體甜度啱啱好🍫 💗四季春芝士奶蓋($39) 採用台灣四季春,入口溫和,味道甘醇🫖加上綿密濃稠嘅芝士奶蓋,鹹香滋味🧀 味道指數:😋😋😋 扺食指數:💲💲💲 環境指數:😍😍😍😍 💰人均消費:$101-200 📍茶聊Tearapy 旺角砵蘭街189號1樓 #hkfoodie #香港美食 #美食推薦 #吃貨 #打卡 #相機食先 #西餐 #意大利飯 #甜品 #食好西 #旺角美食 #意粉 #輕食 #下午菜 #黑糖珍珠鮮奶 #奶蓋 #nearD好西

🥂街坊價地道餐室🍽 ——————————————— 呢間茶記堅持製作不含味精,煮出食物最原始鮮味。特別以蕃茄湯底作主題,湯足料新鮮即製🍅另外自家炮製嘅瑞士雞脾同雞翼更係必吃之選👍🏼 💗招牌瑞士雞髀($28) 瑞士汁係師傅秘製,用上頭抽部分,醬香馥郁,香甜不膩👨🏻‍🍳雞髀大隻厚肉,上色度十足,內𥚃充分吸滿濃郁嘅醬汁。食落有雞味,最值得讚係冇雪味,肉質都算軟嫩唔乾身🍗 💗西多士($25) 外層炸至金黃熱辣辣,只係未夠脆,唔會油淋淋。內層厚身軟熟🍞中間夾住粗粒花生醬,所以特別香同有口感🥜最頂層有片好快溶嘅牛油,再淋上甜絲絲嘅糖漿真係絕配🧈 💗炸韮菜餃子($35/8隻) 將餃子炸到金黃脆口,餃皮厚薄適中,餡料脹卜卜🥟爽口嘅韮菜同豬肉碎既比例啱啱好,唔會淨係得肥肉。咬落菜汁特別鮮香,而且唔會太乾身🥬 💗焗芝士西蘭花($38) 預先汆熟西蘭花,莖部脆嫩唔會過硬,亦唔會有臭青味🥦淋滿濃稠嘅粟米忌廉汁,再放上惹味嘅芝士焗至微焦🧀如果芝士份量多d會更好,而且底部出水情況較嚴重,食食下個醬會變到好稀。 💗香煎蓮藕餅雞扒飯($49) 香草雞扒煎至雞皮香脆,皮下脂肪少,肉質嫩滑而且冇雪味🐥蓮藕餅炸得好香口,厚身結實嘅豬肉夾集住爽身粗粒嘅蓮藕,不過蓮藕份量太少,口感似食肉餅多d😂配料仲有惹味鹹香嘅蔥油同清新嘅椰菜。 💗華田脆脆($22) 阿華田味幾濃,面頭灑上一層可可脆脆有雙重口感,兩樣加埋唔會過甜,只係d冰溶咗有少少變淡🍫 味道指數:😋😋 扺食指數:💲💲💲💲 環境指數:😍😍😍😍 💰人均消費:Below $50 📍樓下冰室  荃灣荃華街16號荃薈商場地下G45-G54號舖 荃灣路德圍14-18號B舖  鰂魚涌英皇道967號地下 #hkfoodie #香港美食 #美食推薦 #吃貨 #打卡 #相機食先 #雞翼 #西多士 #茶記 #食好西 #荃灣美食 #鰂魚涌美食 #輕食 #下午茶 #餃子 #茶餐廳 #neard好西

🥂正宗法式Crepe專門店🍽 ——————————————— 呢間餐廳採用新鮮入口原材料,提供多款甜鹹可麗餅🥞仲有小食同沙律、反傳統嘅酥皮薄餅、意粉同飯類☕️ 💗芒雪千層($88) 酥脆嘅拿破崙先雪藏至少24個鐘,再烘焗大約1個鐘以上🧈以自家製芒果Gelato作夾層,味道偏酸冰涼🥭面層擠上綿滑嘅忌廉,伴碟仲有鮮芒果果肉、紅桑子同蛋白餅脆脆🍒 💗紅茶匯聚($88) 班戟漿由加拿大直接進口,餅皮厚薄啱啱好,食落軟熟煙韌,蛋味香濃。以幼滑嘅紅茶吉士作餡料,啖啖清幽嘅茶香🫖搭配朱古力脆脆同焦糖醬,口感大增🍫伴食焦糖Gelato,入口帶微苦酒香🍨 💗士多啤梨意式雪糕奶昔($58) 以低脂低卡嘅新鮮士多啤梨Gelato🍓加入3.6 北海道牛奶製成嘅奶昔,味道香甜自然,大量忌廉令質感更順滑🥛 💗芒果意式雪糕奶昔($58) 以新鮮芒果Gelato製成嘅奶昔奶香味十足🍦飲落酸甜適中,芒果味真實,質感細膩🥭 味道指數:😋😋😋 扺食指數:💲💲💲 環境指數:😍😍😍😍 💰人均消費:$101- $200 📍Crêpe Delicious 旺角太子道西193號MOKO新世紀廣場3樓345號舖 灣仔皇后大道東200號利東街地下G26及F26A號舖 #hkfoodie #打卡 #香港美食 #美食推薦 #吃貨 #相機食先 #奶昔 #甜品 #可麗餅 #食好西 #下午茶 #西餐 #旺角美食 #灣仔美食 #班戟 #芒果 #士多啤梨 #neard好西

🥂高質精緻Omakase🍽 #悲傷小姐愛日餐 #悲傷小姐出沒尖沙咀 ——————————————— 呢間餐廳全名係「寿司を食って、蕎麦で〆る。日本酒もある、長い名前のレストラン。」,意思係「食完壽司後以蕎麥麵作結,還有日本酒提供,店名很長的餐廳。」🇯🇵多款食材由日本直送,加入創意料理方式。今次試咗最新菜單<献立>,$1480盡享🔟道菜式。 💗鯛魚酒盗最中餅 香脆嘅最中餅放入醃漬半年嘅魚腸同幼滑嘅忌廉芝士,味道咸香滿溢,非常開胃🧀 💗刺身~貝 岩手縣米崎蠔雪白飽滿,食落新鮮爽滑,完全唔腥🦪 💗刺身~魚 九州真錭:肉質爽彈,魚味清淡,加入少量脆卜卜嘅烏魚子🐟 千葉縣金目調:肉質爽口,輕輕火炙魚皮迫出油份更香口🐠 飛魚:肉質結實有咬口,魚味適中🦈 💗鮑魚茶漬飯配香海苔 以茶味香濃嘅靜岡抹茶打成泡泡置於櫻花蝦飯面🍵加入爽嫩嘅南非鮮鮑片、鹿兒島海苔同芝麻,再淋上清甜嘅鰹魚湯🫖另配陣陣柚子香嘅自家製醃漬白蘿蔔,感覺清爽 💗時令壽司 四貫 愛知縣象拔蚌壽司:口感爽脆鮮嫩,味道鮮甜🐚 愛知縣蜜柑鯖魚壽司:肉質軟熟,魚味突出。由於以蜜柑飼料餵飼,帶超微果香🍊 蒜頭醬漬火炙右口魚邊: 食落入口溶化,帶脂厚油香🔥 大拖羅壽司:肉質肥美細膩,油脂香四溢🍣 💗究極海膽 放上一整行北海道浜中海膽,色澤鮮艷,質感軟滑綿密,味道甘甜🟠 💗豪快~和牛粒 熊本A4和牛粒油脂分佈均勻,肉質粉嫩鬆化,肉味香濃🐂配上廣島蠔乾、忌廉芝士同最中餅🍘口感非常豐富。沾醬分別有山椒汁同加入沙甸魚磨成嘅黃芥末 💗藏味噌漬龍蝦配龍蝦蛋黃醬 龍蝦肉質厚身爽牙,以藏味噌醃製,再點上甘香嘅龍蝦膏蛋黃醬🦞另配菠蘿乾同沙甸魚乾,底下嘅水耕菜沙律中和整體極濃郁嘅味道🥗 💗十割蕎麥麵 京都蕎麥麵100%以蕎麥粉製造,口感特別煙韌有嚼勁🥢蕎麥汁以魚仔乾、蟹仔乾同蝦仔乾熬製,可加入wasabi、蔥花同青檸汁一齊食,味道清爽鮮香🧊 💗是日甘味 甜品名為夜空,上層係松竹梅白壁藏「澪」氣泡清酒🍶下層加入蝶豆花同金箔。寒天口感Q彈,入口陣陣酒香同檸檬香,味道清新酸甜🍋 味道指數:😋😋😋😋😋 扺食指數:💲💲💲💲 環境指數:😍😍😍😍😍 💰人均消費:Above $800 📍SuSoShu  尖沙咀亞士厘道17-19號1樓 #hkfoodie #omakase #香港美食 #美食推薦 #吃貨 #相機食先 #日本菜 #壽司 #刺身 #食好西 #廚師發辦 #和牛 #拖羅 #尖沙咀美食 #海膽 #蕎麥麵 #龍蝦 #nearD好西

香港飲食好地方

香港飲食好地方

食食食

食食食

最強飲食情報

最強飲食情報

今晚煮乜送?

今晚煮乜送好? 歡迎各位住家飯達人💁🏻‍♀️

今晚煮乜送?

尋覓各區美食

Eat all around😋 Taste•Enjoy•Life 歡迎大家投稿😜 只要提供:#Hashtag 地區、地址就可👌🏼 食評就大家喜歡就寫罷😉

尋覓各區美食

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu

尼古拉斯

37 Followers

85 Followings

8 feeds

尼古拉斯