Shek Ning House

22.3615923,114.13767809

Shek Ning House

Shek Ning House

Feeds

🥂專業鐵板燒表演🍽 ——————————————— 呢間餐廳主打Omakase同鐵板燒,所有食材由日本嚴選再直送到港,確保處於最新鮮狀態🇯🇵今日就試下💲2️⃣6️⃣8️⃣0️⃣嘅象拔蚌鐵板燒(二人前)。 💗前菜 豆腐嫩滑重豆香,淋上香濃黑芝麻醬,非常開胃。面頭嘅鮮蝦爽口彈牙,以青檸柑橘漬吊起鮮味🦐 💗沙律 由沙律菜、車厘茄、櫻桃蘿蔔、青瓜同藜麥製成,以芥末汁調味,入口酸甜微辛,爽脆清新🥗 💗汁煮白鱈魚 鱈魚煎至兩面金黃,肉質雪白厚身且片片分明,食落細嫩結實,魚鮮十足,完全唔腥,魚皮另外煎至香酥脆口🐟配上濃味嘅味醂醬油汁,墊底嘅洋蔥吸滿醬汁嘅甜味同酒香🧅 💗象拔蚌 鮮甜嘅象拔蚌加入牛油、日本醬油同清酒爆炒,口感爽脆鮮嫩,完全唔韌🧈點埋碟邊嘅芥末忌廉醬,只有Wasabi 香味唔會攻鼻,再帶Creamy嘅奶香🐚 💗季節料理 今期係香煎蓮藕配忌廉椰菜花蓉。蓮藕簡單以鹽同黑椒調味,食落爽脆拉出藕絲。底下墊有綿密軟滑嘅椰菜花蓉,既有蔬菜嘅清甜又有奶香🥦 💗熊本縣產A5和王牛 和王牛嘅油脂分佈達最高級12++,5成熟可保留其粉嫩色澤,肉質軟腍鬆化,油脂豐盈,肉汁豐富,入口即化🥩蘸點玫瑰岩鹽或黑椒可突顯肉味🌹;塗抹Wasabi 或柚子酸汁有助解膩🍊;夾住香脆嘅獨子蒜片食好惹味🧄;櫻桃紅酒汁比較濃郁獨特🍒。配菜方面有炒羽衣甘藍同甜蕃薯🍠 💗炒飯 選用日本珍珠米,配上洋蔥粒🧅、雪菜🥬、蔥花、紅蘿蔔粒🥕同雞蛋🥚,炒至粒粒分明,乾爽唔油膩,整體焦香惹味,另外附上額外嘅櫻花蝦同雪菜🍚 💗雞湯 雞湯味道樸素清淡,帶一絲絲嘅酒香,以爽口嘅杏鮑菇片作襯托🍄有助緩和以上菜式嘅負擔感🍲 💗甜品 夕張哈蜜瓜係季節限定,果肉赤紅熟透,糖度特別高,食落香甜多汁🍈;柚子雪葩冰涼清新,柚子味酸甜自然,帶甘澀嘅柚子肉🍨 味道指數:😋😋😋😋😋 扺食指數:💲💲💲💲💲 環境指數:😍😍😍😍😍 💰人均消費:Above $801 📍鉄人旨花Shika Teppan-Yaki  銅鑼灣謝斐道477-481號肇明大廈2樓 #hkfoodie #omakase #香港美食 #美食推薦 #吃貨 #打卡 #黃店 #相機食先 #抵食 #日本菜 #刺身 #銅鑼灣美食 #和牛 #海鮮 #廚師發辦 #鐵板燒 #neard好西

🥂商廈中綠洲Cafe🍽 #悲傷小姐愛西餐 #悲傷小姐出沒葵興 ——————————————— 呢間Cafe位於商廈,主力提供各款西式輕食同主食🫔除咗有唔同口味嘅意式咖啡同花茶外,更特有冷泡咖啡同咖啡梳打☕️ 💗全日早餐($68) 牛角包烘至酥脆,帶牛油香🥐;香腸煎至微焦,肉質結實彈牙,有濃郁香草味🌱;煙肉肥瘦適中,帶陣陣煙燻香🥓;炒蛋口感滑溜,蛋香味濃🍳;雜菌食落爽口🍄新鮮爽脆嘅沙律菜配上蕃茄片同青瓜,以酸甜嘅黑醋調味,感覺清新開胃🥗 💗南瓜雞肉意大利飯 ($73) 意大利飯粒軟硬適中,醬汁由鮮甜南瓜蓉同香滑忌廉製成🎃口感都算Creamy。雞肉粒份量好足料,有預先煎過,食落嫩滑帶焦香🐔 💗煙三文魚配黑松露炒蛋多士($68) 炒蛋生熟度控制好,微微定形又保留到蛋汁,不過黑松露味唔夠突出好淡🍳;煙三文魚肉質柔軟呈橙紅色,咸鮮得嚟完全唔腥🐟。可以配埋烘至香脆嘅多士一齊食🍞 💗巴斯克芝士蛋糕($25) 蛋糕微焦嘅外層略嫌少少乾,不過內裡質感輕盈,忌廉芝士幼滑濃郁,鹹甜中取得平衡🧀 💗Honey Early Grey Latte(+$7) 伯爵茶茶味濃郁幽香🫖配上香滑嘅鮮奶泡,以蜜糖代替砂糖,甜味自然更有風味🍯 💗Milk Chocolate (+$7) 朱古力奶味道濃郁,微苦唔會太甜🍫質感純厚幼滑,上面有薄薄一層忌廉奶泡同可可粉🥛 味道指數:😋😋😋😋 扺食指數:💲💲💲💲 環境指數:😍😍😍 💰人均消費:$51- $100 📍Oasis Coffee & Meal 葵涌葵昌路51號九龍貿易中心2樓B2   #hkfoodie #香港美食 #美食推薦 #吃貨 #打卡 #相機食先 #人氣 #巴斯克乳酪蛋糕 #伯爵茶 #意粉 #甜品 #咖啡 #西餐 #早餐 #三文治 #意大利飯 #near好西

🥂西日Fusion菜🍽 ——————————————— 呢間餐廳提供一系列以 sharing plates 為主題嘅 Tapas 小食🇪🇸貫徹西班牙人熱愛分享嘅飲食文化,Gin & Tonic 亦係唔可以錯過🍸 💗棒棒鵝肝配日本清酒($98) 鵝肝醬質感實身綿滑,配上開心果碎、炒製嘅香料粉同黑胡椒,味濃甘香🦆嗆口嘅清酒令整體冇咁漏🍶 💗薄切慢煮八爪魚配日本海葡萄($98) 八爪魚肉質軟淋得嚟有嚼勁,完全唔韌🐙淋上橄欖油同蕃茄紅椒蓉🍅加上海葡萄,呢款低熱量嘅海藻口感似蟹子,味道清新開胃 💗西班牙黑毛豬火腿及柚子蜜茄子卷配日本柚子醋汁($68) 香甜軟腍嘅茄子薄片包裏住柚子蜜同清爽嘅沙律菜🍆表面嘅黑毛豬火腿鹹香味濃,不過肉質未夠柔軟🥓以酸甜嘅柚子醋汁、微辛嘅黑椒同檸檬片中和火腿嘅油膩感🍊 💗西班牙薯仔蛋餅配日式明太子($88) 蛋餅非常厚實鬆軟,表面煎至微微焦香🍳內藏軟綿嘅薯仔粒同薯蓉🥔香濃蛋汁流出,配上幼滑鹹香嘅明太子蛋黃醬,口感滑溜豐盈。面層再唧上沙律醬同灑上惹味嘅甜椒粉🫑 💗西班牙海鮮鍋飯($188/2人份) 以華倫西亞風格烹調,飯粒扎實有咬口,底下仲有飯焦,吸盡高湯精華,紅椒粉味突出,不過味道偏鹹。海鮮舖滿成個鍋面,包括有魷魚🦑、青口、蜆🐚同紅蝦🦐,全部都鮮甜彈牙 💗甜品拼盤($108) 西班牙菓茶水信玄餅:用寒天粉製成嘅Q彈啫喱,內藏士多啤梨片🍓、藍莓🫐同紅桑子,食落清涼帶果香 西班牙炸油條:外層香脆內𥚃煙韌,面層沾滿糖粒同肉桂粉,再唧上朱古力醬,味道香濃不過偏甜🍫 肉桂多士:炸至外脆內軟,口感鬆軟空氣感十足,食落好重奶香同蛋香。外層沾上大量糖粉同玉桂粉,肉桂香再濃d就更好🍞 💗White Sangria ($60/ Gls) 以白酒做base,加入梳打水、白蘭地、青蘋果、荔枝同熱情果,質地輕盈,帶微甜水果香🍏 💗Red Sangria ($60/ Gls) 以紅酒做base,加入梳打水、蘋果、桃、橙同肉桂,酒味容易入口,底下有少少果肉🍷 味道指數:😋😋😋😋 扺食指數:💲💲💲💲 環境指數:😍😍😍😍 💰人均消費:$101- $200 📍Tapa Room   銅鑼灣謝斐道415-421號積福大廈地下B號舖   觀塘觀塘道348號國際貿易中心地下G02號舖  尖沙咀敦道176號The Nate 2樓B號舖 #hkfoodie #香港美食 #美食推薦 #吃貨 #打卡 #相機食先 #黃店 #尖沙咀美食 #銅鑼灣美食 #觀塘美食 #食好西 #酒吧 #西餐 #西班牙菜 #near好西

🥂動L古「祖」蛋糕🍽 ——————————————— 呢間店舖嘅師傅特意去台灣拜師學藝🇹🇼用料選取北海道3.6牛乳🥛、歐洲進口雞蛋🥚同韓國低甜度砂糖,每日人手新鮮製作。 💗芝士愛肉鬆($85) 蛋糕質感鬆軟綿密,帶濕潤感,不過蛋香唔算好突出。中層用上濃稠嘅澳洲芝士,鹹香十足,趁熱切開仲會拉絲🧀面頭再舖上大量惹味嘅肉鬆🐷 💗雲石紋朱古力($75) 雲石紋蛋糕內加入比利時黑朱古力漿,食落有濃郁嘅朱古力香,口感軟熟有彈性🍫夾集住半溶朱古力粒,味道香濃回甘,甜而不膩 🤤 味道指數:😋😋😋 扺食指數:💲💲💲 💰人均消費:$51-$100 📍源祖之味古早蛋糕店Original Cake Shop  將軍澳新都城一期L2, shop 254-255 上水中心平台2樓2086號舖 樂富廣場A區3樓3177號舖 #hkfoodie #香港美食 #美食推薦 #吃貨 #相機食先 #甜品 #蛋糕 #將軍澳美食 #台灣菜 #黃店 #朱古力 #芝士 #古早味蛋糕 #nearD好西

🥂性價比高滋味石燒牛🍽 ——————————————— 呢間餐廳提供各款牛扒料理🐃以吉列牛為主打,頂級板腱更係每日限量供應,亦有羊架同煎魚柳選擇,滿足各位食肉獸😈 💗吉列炸牛扒定食($188) 選用USDA Prime Grade美國牛肉🇺🇸 以高温炸至外皮金黃酥脆,內𥚃2成熟呈淺嫩粉紅。再放上用牛油預熱嘅鐵板,每邊煎約30秒,鎖住油脂同肉汁,肉質軟滑冇渣,肉味香濃,油脂甘香🥩可配上日本蒜鹽或燒汁,提升肉香外又添鹹香🧂 前菜有胡麻醬豆腐同柚子醋沙律🥗另配一碗灑上味素嘅熱辣辣珍珠米飯🍚 💗石燒牛舌定食($120) 薄切牛舌爽滑柔嫩,咀嚼時有回彈嘅口感,牛味濃郁👅 白飯加$8轉原味炸薯條,外皮金黃香脆,內𥚃薯肉綿密,點少少茄汁一齊食🍟 💗雞軟骨餃子($45) 餃皮薄身煙韌,外層炸至焦脆🥟𥚃面包住脆卜卜嘅雞軟骨同豬肉,食落有肉汁,點埋餃子醋食更提鮮🦴 💗荔枝梳打(+$12) 荔枝味突出而且唔會假,飲落清爽甜蜜🍹 💗柚子梳打(+$12) 將柚子蜜混入梳打,飲落冰涼清新,仲有柚子肉🍋 味道指數:😋😋😋😋😋 扺食指數:💲💲💲💲 環境指數:😍😍😍😍 💰人均消費:$101- $200 📍Steak Bar   銅鑼灣登龍街36-48號登輝大廈地下B號舖 #hkfoodie #香港美食 #美食推薦 #吃貨 #打卡 #相機食先 #和牛 #餃子 #牛舌 #食好西 #銅鑼灣美食 #燒肉 #定食 #日本菜 #牛扒 #吉列牛 #nearD好西

🥂有格調西班牙菜館🍽 ——————————————— 呢間餐廳提供一系列以 sharing plates 為主題嘅 Tapas 小食🇪🇸貫徹西班牙人熱愛分享嘅飲食文化,特色酒品亦係唔可以錯過🍸 💗鮮甜凍蝦餅配蒜蓉蛋黃醬($68) 凍蝦食落爽口彈牙🦐沾上加咗少量蒜蓉同檸檬葉嘅蛋黃醬,充份帶出蝦肉鮮甜,味道清新開胃🍋 💗西班牙薯仔蛋餅($78) 蛋餅厚實鬆軟,表面煎至微微焦香🍳內藏軟綿嘅薯仔粒同薯蓉🥔香濃蛋汁流出,面層幼滑嘅蛋黃醬增加奶香,再灑上惹味嘅甜椒粉 💗烤煎原隻八爪魚腿配西班牙青醬 ($208) 八爪魚腿烤至外層焦脆,內𥚃肉質煙韌有嚼勁,唔會太乾🐙本身已經夠鹹,點埋青醬就更惹味,酸甜嘅新鮮蕃茄醬吊出其鮮味🍅 💗嫩煎慢煮鴨胸配甜些厘酒汁伴炸蕃薯條($128) 厚切鴨胸經慢煮後香煎,鴨皮爽彈脂肪少,肉質鮮嫩多汁。些厘酒汁濃郁細膩,醋香同酒香突顯香濃嘅肉味,中和油膩感🦆 蕃薯條炸至酥脆,充滿香甜嘅蜜味,微辣嘅是拉差蛋黃醬質地Creamy,鹹甜配搭得宜🍠 💗炸西班牙油條配朱古力醬 ($58) 油條外層香脆內𥚃煙韌,沾滿糖粒同肉桂粉,再配上黑朱古力醬,味道香濃不過偏甜🍫  💗Pink G&T ($75/ Gls) Gin Tonic加入西柚、血橙同苦精,微微果香中和酒精嘅苦澀味,比較容易入口🍊 💗Virgin Sangria ($50/ Gls) 以梳打水做base,加入西柚、士多啤梨同覆蓋子,味道似雜果賓治,底下有少少果肉🍹 味道指數:😋😋😋😋 扺食指數:💲💲💲💲 環境指數:😍😍😍😍 💰人均消費:$101- $200 📍Tapa Room   銅鑼灣謝斐道415-421號積福大廈地下B號舖   觀塘觀塘道348號國際貿易中心地下G02號舖  尖沙咀敦道176號The Nate 2樓B號舖 #hkfoodie #香港美食 #美食推薦 #吃貨 #打卡 #相機食先 #黃店 #尖沙咀美食 #銅鑼灣美食 #觀塘美食 #食好西 #酒吧 #西餐 #西班牙菜 #neard好西

🥂性價比一流親民西餐🍽 ————————————————————— 呢間餐廳搜羅世界各地嘅優質食材,支持本土小型食品生產商,推廣手工食品文化🇭🇰 💗田園沙律 新鮮翠綠沙律菜除咗火箭菜外,仲有小菠菜🥬再加咗紫洋蔥、車厘茄、粟米同藜麥,營養價值高🥗 💗是日餐湯 呢到嘅粟米湯係將粟米直接打蓉,味道係幾清甜🌽不過飲落好多渣唔夠順滑,都係鐘意落忌廉一齊煮個款多d🤔 香草餐包微暖軟熟,可以搽牛油一齊食🍞 💗美國牛肩肉($138/ 8OZ) 牛扒外表煎至焦香鎖緊肉汁,內裡色澤粉嫩,完美掌握5成熟🐃肉質介乎係結實同嫩滑之間,脂肪較少而且冇筋。點埋海鹽食牛味更突出,帶微微炭燒香🥩 配菜有焗薯角外🥔,仲有蒜蓉炒西蘭花、脆肉瓜同豆角🥦 💗加拿大豬鞍架($138) 厚切豬鞍架煎焗到啱啱熟透,每個位置都唔覺韌🐷旁邊少量嘅脂肪部分帶豬油香,肉質軟滑多汁。可以夾住紅酒洋蔥一齊食,酸甜又解膩🧅,亦可點埋自家製燒汁 💗焦糖燉蛋(+$20) 底層嘅燉蛋嫩滑冰涷,甜度適中重蛋香,表面即燒嘅焦糖脆片簡直係靈魂🍮 💗朱古力心太軟(+$45) 朱古力味幾濃🍫外層蛋糕唔會焗得太實,切開都算流心,不過太甜😦 💗鮮果冰茶 紅茶底完全唔澀,配上新鮮酸甜嘅西柚,味道清新自然,果香十足🍹 味道指數:😋😋😋 扺食指數:💲💲💲💲 環境指數:😍😍😍 💰人均消費:$101- $200 📍Food Garden ETC  荔枝角長義街9號D2 Place一期3樓303-304號舖 #hkfoodie #香港美食 #美食推薦 #吃貨 #打卡 #黃店 #相機食先 #薄餅 #抵食 #漢堡包 #西餐 #意粉 #荔枝角美食 #甜品 #牛扒 #心太軟 #紀念日 #情侶好去處 #neard好西

🥂懲罰超黃邊爐🍽 ————————————————————— 呢間餐廳以抗爭為主題,牆壁印上「Be Water🌊」、「HongKonger 🇭🇰」等字眼,不時播住鼓舞嘅廣東歌, 作為香港人嘅你一定會好有共鳴💛 💗乾杯蠔 選用日本瀨戶內海蠔,味道鮮甜冇腥味,質感細膩飽滿🦪以西柚清酒調味,食落微酸開胃🍶再配鹹鮮嘅三文魚籽,口感更豐富 💗古法花香醉雞 凍雞件份量十足,雞皮爽滑,雞肉嫩滑緊致,食落有花雕酒香同雞味🐔仲有爽口嘅青瓜同本耳做伴碟🥒 💗杏汁白菜豬肺鍋 以豬肺、新鮮白菜、菜乾同紅蘿蔔熬製🥕豬肺洗得夠乾淨,口感爽滑🫁奶白色湯底清澈唔油膩,清甜帶杏仁香 💗新鮮手切本地肥牛 肥牛厚薄適中,色澤紅潤,油花分佈均勻,肉質柔軟帶咬口,牛味明顯比冰鮮個d濃好多🐃 💗豬潤 豬潤口感爽脆微粉,味道甘香,唔會有血腥味同梳打粉味🐖 💗豬頸肉 豬頸肉肉質肥瘦均勻,口感嫩滑有彈性🐷 💗鮮打海蝦丸 蝦丸爽口彈牙,面頭有少量蟹籽點綴🦐 💗花樣油條 將爽彈嘅墨魚膠釀入香脆嘅油炸鬼中。記住唔好淥太耐,咁先有雙重口感🐙 💗脆鯇骨腩片 魚片食落爽脆,不過有少少腥🐟 💗唐生菜 新鮮翠綠嘅唐生菜食落軟滑清甜冇苦澀味🥬 💗荔枝烏龍 荔枝嘅果香同烏龍嘅茶香平衡得宜🍹 💗青蘋果四季春 青蘋果味都唔算太假,不過茶味較淡🍏 味道指數:😋😋😋😋 扺食指數:💲💲💲💲💲 環境指數:😍😍😍😍 💰人均消費:$201- $400 📍煲底海鮮火鍋料理Meet At Pot  尖沙咀金馬倫道38-40號金龍中心3樓 #hkfoodie #香港美食 #美食推薦 #吃貨 #打卡 #黃店 #相機食先 #外賣 #豬頸肉 #火鍋 #食好西 #尖沙咀美食 #打邊爐 #醉雞 #肥牛 #蠔 #海鮮 #neard好西

🥂唔洗睇menu嘅法式扒房🍽 ——————————————— La Vachi嘅法文意思係「天啊!Holy Cow!亅😱餐廳獨沽一味只賣一款牛扒餐,食客只需選擇牛扒嘅生熟程度,每位$318非常抵食。每日供應7至8款經典法式甜品,只要加多$118就可以享用✌🏼 💗有機蔬菜合桃沙律 沙律菜新鮮爽脆,食落冇苦澀味🥬以法式芥末油醋汁調味,仲有核桃嘅香味同櫻桃蘿蔔嘅微酸配合,清新又醒胃🥗 💗USDA Prime肉眼扒(10 ounces) 以海鹽同胡椒簡單調味,烤至兩面微焦,特意Rest過令肉汁鎖緊在扒中🥩牛扒外脆內𥚃色澤粉嫩,食落牛味重,帶恰當油香。整體肉質細嫩軟腍,配合少量筋位有嚼口。設有小火爐以保持熱度 ,但都唔會變韌🔥旁邊放咗茄汁同自家製Magic sauce, 食落帶磨菇香同黃芥辣味 💗金黃炸薯條 用咗真正「牛油」嚟炸,所以冇油耗味。食落香脆且薯味十足🥔薯條偏幼身,面層曬上適量鹽調味 💗焦糖榛子泡芙 泡芙舖上杏仁片焗至脆身,食落偏實心,唔似出面個d空氣感重🥯中間軟滑濃郁嘅榛子醬,仲用原粒嘅榛果仁增加口感,不過焦糖味道偏甜膩🌰 💗檸檬蛋白撻  撻皮焗至香脆,充滿牛油香,厚度適中好似曲奇皮咁🥧檸檬餡料酸度夠🍋微微燒焦面頭個層厚厚嘅蛋白霜,食落香甜又creamy 💗特濃巧克力撻 食落有好濃郁嘅朱古力味,連撻皮都好仔細咁加咗可可粉,中間嘅黑朱古力慕絲軟滑企身🍫表面撒上微苦嘅唂咕粉,甜而不膩,配埋旁邊嘅雜莓同奶油一起吃🫐 💗紅桑子馬卡龍 Macaroon中間夾咗新鮮嘅紅桑子同鮮忌廉,一甜一酸的配搭🍒上面仲有金箔裝飾,不過鬆脆嘅蛋白餅真係偏甜 🥚 味道指數:😋😋😋😋😋 扺食指數:💲💲💲💲 環境指數:😍😍😍😍 💰人均消費:$201-400 📍La Vache!  尖沙咀赫德道12號地下 中環蘇豪卑利街48號地舖 #hkfoodie #香港美食 #美食推薦 #吃貨 #打卡 #相機食先 #黃店 #尖沙咀美食 #中環美食 #西餐 #食好西 #情人節 #牛扒 #薯條 #甜品 #nearD好西 #懲人節

🥂高質精緻Omakase🍽 #悲傷小姐愛日餐 #悲傷小姐出沒尖沙咀 ——————————————— 呢間餐廳全名係「寿司を食って、蕎麦で〆る。日本酒もある、長い名前のレストラン。」,意思係「食完壽司後以蕎麥麵作結,還有日本酒提供,店名很長的餐廳。」🇯🇵多款食材由日本直送,加入創意料理方式。今次試咗最新菜單<献立>,$1480盡享🔟道菜式。 💗鯛魚酒盗最中餅 香脆嘅最中餅放入醃漬半年嘅魚腸同幼滑嘅忌廉芝士,味道咸香滿溢,非常開胃🧀 💗刺身~貝 岩手縣米崎蠔雪白飽滿,食落新鮮爽滑,完全唔腥🦪 💗刺身~魚 九州真錭:肉質爽彈,魚味清淡,加入少量脆卜卜嘅烏魚子🐟 千葉縣金目調:肉質爽口,輕輕火炙魚皮迫出油份更香口🐠 飛魚:肉質結實有咬口,魚味適中🦈 💗鮑魚茶漬飯配香海苔 以茶味香濃嘅靜岡抹茶打成泡泡置於櫻花蝦飯面🍵加入爽嫩嘅南非鮮鮑片、鹿兒島海苔同芝麻,再淋上清甜嘅鰹魚湯🫖另配陣陣柚子香嘅自家製醃漬白蘿蔔,感覺清爽 💗時令壽司 四貫 愛知縣象拔蚌壽司:口感爽脆鮮嫩,味道鮮甜🐚 愛知縣蜜柑鯖魚壽司:肉質軟熟,魚味突出。由於以蜜柑飼料餵飼,帶超微果香🍊 蒜頭醬漬火炙右口魚邊: 食落入口溶化,帶脂厚油香🔥 大拖羅壽司:肉質肥美細膩,油脂香四溢🍣 💗究極海膽 放上一整行北海道浜中海膽,色澤鮮艷,質感軟滑綿密,味道甘甜🟠 💗豪快~和牛粒 熊本A4和牛粒油脂分佈均勻,肉質粉嫩鬆化,肉味香濃🐂配上廣島蠔乾、忌廉芝士同最中餅🍘口感非常豐富。沾醬分別有山椒汁同加入沙甸魚磨成嘅黃芥末 💗藏味噌漬龍蝦配龍蝦蛋黃醬 龍蝦肉質厚身爽牙,以藏味噌醃製,再點上甘香嘅龍蝦膏蛋黃醬🦞另配菠蘿乾同沙甸魚乾,底下嘅水耕菜沙律中和整體極濃郁嘅味道🥗 💗十割蕎麥麵 京都蕎麥麵100%以蕎麥粉製造,口感特別煙韌有嚼勁🥢蕎麥汁以魚仔乾、蟹仔乾同蝦仔乾熬製,可加入wasabi、蔥花同青檸汁一齊食,味道清爽鮮香🧊 💗是日甘味 甜品名為夜空,上層係松竹梅白壁藏「澪」氣泡清酒🍶下層加入蝶豆花同金箔。寒天口感Q彈,入口陣陣酒香同檸檬香,味道清新酸甜🍋 味道指數:😋😋😋😋😋 扺食指數:💲💲💲💲 環境指數:😍😍😍😍😍 💰人均消費:Above $800 📍SuSoShu  尖沙咀亞士厘道17-19號1樓 #hkfoodie #omakase #香港美食 #美食推薦 #吃貨 #相機食先 #日本菜 #壽司 #刺身 #食好西 #廚師發辦 #和牛 #拖羅 #尖沙咀美食 #海膽 #蕎麥麵 #龍蝦 #nearD好西

香港飲食好地方

香港飲食好地方

宜家食緊乜🍔

宜家食緊乜🍔

食食食

食食食

最強飲食情報

最強飲食情報

葵青有愛☺️☺️

葵青區同新界其他區唔同,唔係新界理民府分區走出來。1985年之前,葵涌同青衣都係歸荃灣區,之不過因為荃灣新市鎮發展,遠超一區之力,就響1985年4月1號將葵涌同青衣拆出來,另立葵涌及青衣區,同時亦選出相應嘅區議會。到咗1988年,就簡短啲,改叫葵青區。而立法會選舉係新界西!

葵青有愛☺️☺️

尋覓各區美食

Eat all around😋 Taste•Enjoy•Life 歡迎大家投稿😜 只要提供:#Hashtag 地區、地址就可👌🏼 食評就大家喜歡就寫罷😉

尋覓各區美食

一山不能藏胖虎

13 Followers

6 Followings

70 feeds

一山不能藏胖虎

Eating All Day

食食食😋 每日推薦不同餐廳🍴 Follow我睇食評啦!🤪

39 Followers

178 Followings

358 feeds

Eating All Day

音樂情人

96 Followers

0 Followings

309 feeds

音樂情人

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu

尼古拉斯

37 Followers

85 Followings

8 feeds

尼古拉斯