睇到一套講晒政府唔同陰謀嘅劇集～一套以反烏托邦題材為主嘅科幻單元劇《理想國》。👍🏻 十三個單元，一集一個故事，可以每集分開觀看，故事中間嘅關連唔多，一開始幾集比較明顯。大部份故事都關於未來人類被政府同科技各種嘅操控，人類要反思一下，到底人類仲有冇獨立思考？🤔 最深刻嘅一個單元係《沒有悲傷的世界》。政府已經唔再以假新聞、有限制嘅言論、無限嘅娛樂黎控制人民，而係直接用食水黎控制人類思想，只睇到美好嘅事物。 好中意有飲玫瑰水同冇飲嘅兩個觀景嘅強烈對比。但有一個Bug，人嘅態度、行為應該唔會改變先岩架嘛...人飲左玫瑰水，應該會睇到一切都係咁美好，對他人都超好先岩，所以唔會無啦啦態度改變。 機械人、AR科技、AI、整容、修改記憶等等，你會幻想到未來可以影響人類嘅各種科技，都可以在《理想國》睇得到。如果你係想知道更多有關科技同政府點樣影響到你嘅話，呢一部劇集可以令你幻想到更多唔同嘅將來😢 #理想國 #ViuTV #港劇 #反烏托邦 #煲劇 #劇評 #劇集開箱 #開箱 #政府 #政府陰謀 #正苦
有個朋友有個口頭禪「又係Scam!」，而呢套日劇《Scams》，都真係半個scam...第一集滿分，之後就...都合格嘅... 一個無錢嘅打工仔，幫朋友幫到太出色比人拉左去做詐騙集團。一開始嘅電話詐騙真係幾精彩，但之後開始重重覆覆，其實我已經睇左幾個月，依家記得嘅就只有一開始嘅劇情，最後嘅結局都唔係太有記憶。 但劇情延伸出黎嘅道德/哲學思考，反而幾驚艷。全球嘅已發展國家應該都面對緊同一個問題：人口老化，資源係晒老人身上，而後生好難突破到已經飽和嘅經濟圈，要搵到多嘅錢，係咪就可以係個班再無生產力嘅老人家搵？ 一開始吸引到我嘅除左係「詐騙集團」呢個主題，就係主角 - 杉野遙亮鹽系男子真係好正～～店長同神部嘅兄弟情都意外地有愛😍 呢套日劇係for間唔中睇下靚仔，想思考下人生嘅好選擇。🙈 #scams #日劇 #杉野遙亮 #netflix #煲劇 #劇評 #開箱 #劇集開箱
係Netflix想睇下港產影視，所以search左「香港」，結果第一套suggest嘅係《愛在香港》，居然係一套日劇！ 一個故事，四個主角，四個視角。一個唔想係咁無聊嘅旅遊節目，最後未算係滿分精彩，但都係一個有d味道嘅短劇。 4集30分鐘左右短劇，體現到電視劇可以做到，但電影做唔到之處，重覆四次一樣嘅劇情；亦可以睇到日本人工作上嘅辛酸，重重覆覆，仲要無晒人生；仲可以感受到係外國人眼中香港最靚嘅一面。無諗到只係4集，但帶出嘅嘢都可以咁豐富！ 套劇角色唔多、情節唔多、場境唔多，所以最後我覺得最畫龍點睛嘅唔係主角們，而係講廣東話嘅幾個古惑佬演員。佢地都真係佬，唔係仔黎嘅。😂首先因為佢地同翻譯姐姐都係講純正廣東話，好有親切感。第二，無佢地，無個種明知故犯嘅情節、都無個種估你唔到嘅誇張劇情～ 如果已經無咩電影想想睇，又想睇下香港景，呢一套日劇，可以令你抽離嘅香港一陣！ #煲劇 #劇評 #愛在香港 #日劇 #恋する香港 #香港 #開箱 #劇集開箱 #netflix #每日放送
啊⋯⋯啊⋯⋯嗯⋯⋯ 以上係我睇完14集嘅泰劇《緣來誓你 (Why R U The Series)》 嘅所有感想。（喂 好多肉，同好多肉。當時同檔期有同樣都係BL大台GMM嘅《只因我們天生一對 (2gether)》，而明知一定會虐，係呢個香港咁虐嘅社會，都係睇d開心嘢好d🙈 故事一開始就幫大家打左支針！主角掉入左妹妹嘅真人BL同人小說！所以唔好鬧劇情唔合理，一切都係腐女幻想出黎嘅非現實BL小說情節！誇張又點？太巧合又點？有私心嘅小說黎架咋！所以請保持全程姨母笑喔～😂 而角色方面，我知道餘演zon嘅演員真係好童顏，但一拍落去真.小朋友嘅saifah演員側邊，真係一睇就明知唔係學長，總有一種年下攻嘅感覺。而2個tor，Fighter同tutor就襯好多～～ 2條主線都係由相愛相殺開始，再加上各種甜甜小分支，如果你係黎搵慰藉，呢套泰劇絕對滿足到你嘅心靈。只可惜中間因為肺炎問題，拍攝出現問題，中間劇情嘅編排真係有d太肉酸。但係！一開始講過(並沒有)只要有肉，咩劇情安排都無所謂！🤤 #開箱 #劇集開箱 #劇評 #緣來誓你 #WhyRU #WhyRUTheSeries #泰劇 #bl #BL劇 #煲劇
Netflix前日的香港區top 1居然係日劇...係今際之國的闖關者🙈🙈 雖然琴日睇已經top 4...🙈 以下無劇透～ 睇到預告唔錯就開始左，不過漫畫轉真人通常都冇好結果。 第一集真係幾精神，睇得到主角alice（有栖）有主角光環之外，都係真材實料既。 未睇過漫畫既我，覺得中段就幾無聊啦...😅 雖然都係一d唔同既「遊戲」，但好多都估到點玩... 同埋打戲都算唔少（個人黎講呢套打戲都幾好睇），所以相對要思考既位唔多。 最大敗筆係最後既遊戲，唔洗諗都知邊個係巫女啦🤔 有下一季都會想繼續睇，不過就真係可能要1.5X咁睇啦... 呢類型既劇情，漫畫應該好正，都好想補返漫畫😆 #Netflix #日劇 #港區第一 #今際之國的有栖 #今際之國的闖關者 #今際の国のアリス #朝比奈彩 #三吉彩花 #漫畫真人版 #劇評 #開箱 #劇集開箱
Youtube見到封面，第一個感想係《越界》超可愛隊長！雖然知道係BG向劇集，但《家教哥哥來我家》嘅感覺太吸引了，而且每集得幾分鐘，實在忍唔住一野睇晒。🤤 好中意台劇特有嘅小文青感，由鏡頭運用到後製色調，畫面都係超清新，彷彿讓人回到青春年代。當中為左BL情節嘅特寫都好好睇，充滿青春、初戀嘅感覺。❤️ 明知道係賣腐，但人設同演員都太正了。人畜無害17歲處男弟弟，再加上小惡魔22歲處男大哥哥，只有2個人嘅家中生活，因為其中一個房嘅床訓到，訓同一張床上。BL漫畫情節，仲有各種曖昧畫面，就算係假CP，都完全冇問題，超開心。🙈💕最後笨蛋主角二人組，再加埋超展開第三者，太美好～ 如果你睇開真人BL，但唔介意其實係直男賣腐，我會推介呢一套令你可以放鬆心情，又同時令你尖叫嘅台灣短劇《家教哥哥來我家》。賣腐有理帥哥無罪！🤫 網上免費重溫：vidol.tv/programmes/873 #家教哥哥來我家 #女孩要幹嘛 #煲劇 #劇集開箱 #開箱 #台劇 #謝毅宏 #余杰恩 #葉靜涵 #劇評
身為一個唔睇韓劇嘅人，個人誠意推介《屍戰朝鮮》。一部將韓國古代同喪屍結合，改編自漫畫嘅電視劇。 暫時已播放嘅共有兩季，每季六集，每集約一小時。Netflix自家製劇集，更係韓國地區第一部自家製。 如果你鍾意喪屍嘅作品，應該都會睇過《Walking Dead》，但呢次喪屍並唔係個種好悠閑，靠聲音同味道行動。而係《屍殺列車》個種狂奔，比人類跑得更快，但只嗜人血人肉，唔會攻擊其他動物嘅類型。韓國喪屍真係好喪😂😂😂 因為原本係朋友極力推薦下睇，老老實實第一季第一集，真係好悶...為完整交代背景，文戲之多...但到第一集最後就終於出現高潮，如果你對呢種歷史文戲無咩興趣，第一集就唔洗專心觀看。 之後集數節奏都捉得幾好，新伙伴加入，場景推進，到第二季尾嘅大突破，都超引人入勝，後來嘅文戲都比較有火花。第三季唔知道會唔會係最終季，希望唔會爛尾。 而且好特別嘅係三男一女嘅主角團(?)，但只有一條明確嘅單向愛情線～係「個人想像中」係邸下是中意男人，大機會係武英；而永信係戰鬥機器，成功報仇加成功拯救人類前唔會愛上任何人；徐菲暗戀邸下，但自知成為唔到佢嘅女人，所以一直無明確拒絕府使大人。 Netflix重溫：netflix.com/title/80180171 #劇評 #劇集開箱 #開箱 #煲劇 #屍戰朝鮮 #Netflix #韓劇 #李屍朝鮮 #Kingdom #킹덤
30歲就會變成魔法師，應該係每個宅宅都知既都市傳說。🙈 《如果30歲還是處男，似乎就能成為魔法師》呢套由漫畫改編既真人化劇集，真係滿滿既養份！😍 每一集既黑澤都好可愛！！冇打錯，係黑澤好可愛w 深愛住一個人既男人係最可愛架！😍 而安達同湊賣萌都真係賣得好出色～👍🏻 完全感受到個種小受既美好～ 仲有一個超可愛既角色！就係六角！😎 好多唔同助攻既六角，到最後希望佢都搵到佢既幸福啦！🥺 藤崎小姐都要開心咁生活下去啊！🥺 每一個角色都好溫暖～睇完就可以渡過呢個就黎會凍既嚴寒啦！💓 PS. 一直覺得黑澤(町田啓太)真係好熟口面！😂 睇完wiki先記得返佢原來係《今際之國》既男主角朋友～ 完全唔同feel, 完全connect唔返2個人.. #30歲魔法師 #如果30歲還是處男似乎就能成為魔法師 #30歳まで童貞だと魔法使いになれるらしい #安達清 #赤楚衛二 #黑澤優一 #町田啓太 #日劇 #BL劇 #劇評 #劇集開箱 #開箱 #動漫真人化 #真人BL
如果你熟悉香港網絡文化，你應該會聽過向西村上春樹，而《向西聞記》正正就係以向西嘅作品改編嘅一部好香港、好向西、好撚正嘅劇集。 9個故事，12集，N個香港人。好似十分不可能、十分荒謬嘅情節，正正就係香港人嘅日常。 當然現今嘅香港，比起劇集更加古怪。 最深刻嘅係台北小故事「台北的港男港女」，台灣加上殺人案就諗起邊個？當然係仲未自首嘅送中之父陳同佳，真係咪話唔深刻呢...原本以為只係互相欺騙，然後相愛嘅故仔，但最後居然係Blue Whale Game! 一對準備相戀嘅情人就要係黃泉路上再相遇。 作為單元劇，角色與角色，故事與故事嘅微妙交雜，《向西聞記》完美呈現香港人嘅Six degrees of separation。每個故仔都好吸引，真係一套好精彩嘅電視劇！ #向西聞記 #港劇 #向西村上春樹 #香港人 #劇集開箱 #劇評 #煲劇 #劇評
推介一套講炮友嘅電視劇，《下輩子我再好好過》，日劇，超正😍😍😍 5個主角都非常可愛，每一個角色嘅性格特質非常分明，就連片頭主題曲都可以表現到慾求嘅分別。 係日本，SP、不倫對部份日本人黎講呢，其實係家常便飯。就算係電視劇，都有好多係會用黎做主題。不過可以咁輕鬆可愛地談論，呢種日本社會黑暗面，真係好少見啊～通常講得會負面好多～ 5個炮友嘅女仔，同唔想拍拖嘅女仔做對比，真係好有趣～男仔方面，就有沉船男上司，無拖拍健身男，仲有係男版女主角嘅斯文playboy。如果你想睇到日本年輕人唔同嘅、特別嘅戀愛觀，推介可以睇下呢套《下輩子我再好好過》嘅劇集，應該喜出望外～ #来世ではちゃんとします #下輩子我再好好過 #來世要好好地做 #日本人 #劇集 #劇集開箱 #開箱 #煲劇 #劇評 #日劇 #男女之間
有咩劇好睇/好伏都一齊分享下啦 #日劇 #台劇 #美劇 #大陸劇 #港劇 #netflix #韓劇 #煲劇 #黃viu
睇過好多伏戲?睇過正嘅神劇，都希望大家分享下
YAOI / BL / GAY 二次元 / 三次元 日本 / 美國 / 亞洲 / 歐洲
可以將同男女朋友大少事，開心或唔開心在此分享。
0 Followers
1 Followings
38 feeds
:background_color(white)/https://avatar-storage.neard.com/5f2644a4b5806d52bd819f4d9c85f32a.20200622065811.1592809091.2241.jpeg)
42 Followers
0 Followings
334 feeds
:background_color(white)/https://avatar-storage.neard.com/4bb7e3e5b7099a435e997e10a9458a7b.jpg)
74 Followers
0 Followings
470 feeds
:background_color(white)/https://avatar-storage.neard.com/c667be66c553d4eb6e85d9856574cf4c.jpg)
4 Followers
0 Followings
95 feeds
:background_color(white)/https://avatar-storage.neard.com/1cbdda9fc0c5f52b734a59b04dfcc8ea.20210208074127.1612770087.8409.jpeg)
2 Followers
1 Followings
49 feeds
:background_color(white)/https://avatar-storage.neard.com/profile_avatar_illustration-10.png){kind=avatar}
52 Followers
0 Followings
247 feeds
:background_color(white)/https://avatar-storage.neard.com/52b91b91fc1703be2c7dbfd446c4bac1.jpg)
0 Followers
0 Followings
0 feeds
:background_color(white)/https://avatar-storage.neard.com/profile_avatar_illustration-01.png){kind=avatar}
68 Followers
0 Followings
278 feeds
:background_color(white)/https://avatar-storage.neard.com/2eea39a71b068a087d022810b6135bf6.jpg)
29 Followers
0 Followings
74 feeds
:background_color(white)/https://avatar-storage.neard.com/fee770df33533710d2a1d8ef20dfcb35.20200922075627.1600761387.3977.png)
6 Followers
0 Followings
27 feeds
:background_color(white)/https://avatar-storage.neard.com/5c00a8692345ed551f2d3d8b69632a42.jpg)
11 Followers
0 Followings
24 feeds
:background_color(white)/https://avatar-storage.neard.com/1e31ebf5b7f38a1fe69f1452cc700356.jpg)
2 Followers
0 Followings
4 feeds
:background_color(white)/https://avatar-storage.neard.com/fee770df33533710d2a1d8ef20dfcb35.20201230124407.1609332247.1667.png)