情場低能奇觀 File #284 呢個file係車車離開香港後第一個開既file。 如果唔係因為咁，相信佢連開file的資格都冇。 首先，呢種問題，響EQ低既女生身上出現的機率極高，同你係咪大肚無關。 呢種case響冇大肚既女人身上都經常出現，只係咁岩呢個係大肚婆。 車按：梗係要咁寫明啦，容乜易被人插鳩我地歧視大肚婆架？！ 講返case本身。 原告衰既應該只有偷睇電話。 講真你唔偷睇電話，大家邊有花生食？而且呢個係女人天性，所以唔該你班蠢女人繼續派花生！ 男方唯一罪狀，叫雞。 我地冇可能認識男事主，所以呢樣只能睇返當事人證供。而男事主最後一次叫雞係同當事人一齊「前」兩個月（雖然果次佢自稱去唔成）。 呢度的前同後差天共地，如果係後，各純用家們一定會撐當事人，但呢次係前，分分鐘佢想公審男事主不成，仲會被公審返轉頭！分分鐘圍爐不成，原告變被告！🤣 睇返男事主在事後都驗過自己冇事，補鑊工作都做得好足，判男事主不起訴處分，無罪釋放。 女方如果仲係唔滿意既，最多只能換人，但佢可能冇諗過佢而家有化骨龍，下一手會唔會肯接受買大送細？😏 #另一半的過去你管唔到