呢排換新手機，第一時間就啪咗個靜音制，突然諗起以前用手機嗰時，一定會上失敗論壇 DL 返首流行曲做鈴聲。 我仲好記得我自己用過，第一部可以 SET 手機鈴聲嘅手機係 NOKIA 3210，因為當時冇得買淨機，一定上台。 當時每個人的手機鈴聲都是用流行曲！嗰時 SET 鈴聲真係唔易，首先你要有張 YES CARD，冇錯，你係要去抽 CARD，通常一面係明星相，一面係首歌嘅音階，仲啲啲乜「5561268789」數字，要用手機嘅內置功能逐粒音打返入去先得。 所以，要有一首自己鐘意嘅歌做鈴聲真係唔易，一係有運氣，一係有錢，去買 CARD，通常啲大明星嘅主打歌都炒到仆街，$40 買張 CARD 卡就係為咗首歌做鈴聲。 再去到勁少少，就係 MP3 手機，上論壇下載鈴聲也是常識吧！特別係失敗論壇簡直係鈴聲集中地，當時唔係個個人識 CUT 歌，手機又唔會有呢個功能，所以真係好依賴嗰時識 CUT 歌轉檔嘅網友幫手整手機鈴聲。 我記得當時唔識搞，因為嗰時唔單止得 IPHONE 同 Android 兩款手機，仲有好多雜牌手機，所以部部松 SET 法都有啲唔同，當時我就係買咗 Motorola E398，當時嚟講未。嗰時我記得好想換陳奕首《浮誇》做手機鈴聲，但係唔知係轉檔問題定係相容性問題，一係冇聲，一係太大聲，一係唔啱位。 嗰時我有個 FRD 好熟電腦，我就問佢點搞，佢話要用電腦，叫我比部手機佢返屋企搞。當時我覺得 OKAY 冇問題，反正仲有部舊機用。 然後我後悔了。 第二日佢拎返部機比我，仲用佢部機打比我，一出聲，果然就係「你當我是浮誇吧！」屌你正呀喂！！ 當時我唔知道有種功能係唔同人打過去可以 SET 唔同鈴聲，當時佢只係 SET 咗佢打比我嘅鈴聲係《浮誇》…… 上上下堂，突然響起一段好熟悉嘅音樂…… 東京熱嘅主題曲…… 當成班男仔笑緊嗰時，我原本都打算笑埋一份，但係，我感覺到。 我部手機震緊！！！！ 東京熱嘅主題曲就係我個櫃通入面傳出嚟！！！！ DLLM！！！！！ 原本班女仔仲唔知發生乜事，只係覺得有人帶手機返學唔記得靜音*，不過有人大叫咗句「邊個上堂打飛機咁撚緊火呀？！！」佢哋就知乜事了。 *當時係唔比帶手機返學，要帶要由家長申請，上堂嗰時要交比班主任，放學先可以拎返。 呢個時候老師都大概知道係邊度手機響，不過暫時未知邊個，就係呢個時候，東京唔熱了，我打算偷偷地將舊電拆出嚟，順手 PLAN 緊小息嗰時打撚死個同學再沖落屎坑度。 不過，我始終棋差一著。 因為呢個時候有海量嘅 SMS SEND 緊嚟，而 SMS 嘅鈴聲…… 係蒼井空嘅呻吟聲，仲要係放到最大嗰隻。 DLLLLLLLLLLLLLLLLLLLLLLLLM！！！ 結果我部買咗唔夠一個星期嘅手機就比老師沒收咗，因為偷帶手機一個缺點，另外兩個鈴聲就一段一個小過。 我拎返部手機之後，因為短時間之內太多 sms，一開機就比 SMS 塞到 hand 機，熄機，再開，又係幾百個 sms……結果要拎返原廠搞，仲要用手機公司搞返走晒啲 sms 先開得返部機。 當然，個同學事後都比我打撚死咗。 傷心嘢唔好提。去到 IPHONE 時代，又要用 ITUNES 又要轉檔已經覺得好麻煩，而且靜音好似已經成為咗常識，就算唔係靜音都係原廠鈴聲，家下會聽到用歌用鈴聲九成都係上咗年紀嘅人。 可能係因為家下太多 APPS 可以傾計，打電話真係冇乜需要，既然冇需要，自然就唔洗用鈴聲。 而且 SET 手機鈴聲係一種表達自己嘅方式，用乜歌做鈴聲就代表自己係乜人有乜品味，不過家下大家鐘意靜，手機響大家都會望過嚟，好似好奇怪咁。 睇緊手機嘅你，到底有冇 SET 鈴聲呢？定係靜音呢？如果有 SET 鈴聲，又用緊邊首歌呢？ #投票 #MK #東京熱 #手機鈴聲 #失敗論壇