悲傷小姐出沒銅鑼灣

任食

打卡

放題

吃貨

neard好西

香港美食

美食推薦

黃店

食好西

hkfoodie

Feeds

🥂韓式Chicken同Pizza包你食到飽🍽 #悲傷小姐愛韓餐 #悲傷小姐出沒銅鑼灣 ——————————————— 呢間餐廳最平💲1️⃣2️⃣8️⃣就可以任食7款炸雞同4款Pizza 90分鐘,加$20仲有埋7款焗雞同8款小食,認真豐富😱 🐔炸雞同焗雞都係無骨,唔同嘅係炸雞蘸咗層唔會太厚嘅炸粉,外皮較鬆脆;而焗雞係迫番出原本嘅油脂,令雞皮香脆。兩者肉質都幾嫩滑多汁,而且唔會太多肥膏 💗蜜糖芥末香蔥炸雞 蜜糖同芥末味比例平衡,食落温和香甜,配上微辛香蔥絲🍯 💗甜酸炸雞 用咗最經典嘅韓式甜辣醬,相對最平凡🥫 💗辣味炸雞 唔算太辛辣,不過味道單一冇乜層次🌶 💗檸檬柚子炸雞  微酸嘅檸檬同香甜嘅柚子組合夠哂清新,食落最唔heavy🍋 💗黃金鹹蛋炸雞 鹹蛋味超級濃郁甘香,仲有沙沙地嘅蛋黃粒🥚 💗濃蒜炸雞  蒜味醬汁的確幾濃稠,但欠缺蒜粒🧄 💗蜜糖蒜香焗雞 味道雖然甜蜜,但冇蜜糖味反而似糖漿,帶少少蒜香,面頭仲有脆脆地嘅粟米片🍯 💗雙重芝士焗雞 灑滿鹹鹹甜甜嘅芝士粉,本身以為有拉絲嘅真芝士,頗失望🧀 💗BBQ香辣焗雞 BBQ味完全被辣味蓋過哂,辣到條脷都有d痺🍢 🍕薄餅煙韌軟熟,但邊位唔夠脆。以水牛芝士舖面,超拉絲!不過每款口味都差唔多,因為味道較淡 💗千島加勒比薄餅 千島醬太少,蟹柳同火腿份量亦唔多🦀 💗瑪嘉麗塔皇后薄餅 得蕃茄醬同水牛芝士,味道太簡單🍅 💗熱帶風情薄餅  同瑪嘉麗塔皇后薄餅一樣,只係多咗幾粒火腿,菠蘿都冇🍖 💗明蝦水牛芝士薄餅 蕃茄醬做base,得少量蝦粒、醃黃瓜🦐 味道指數:😋😋😋😋 扺食指數:💲💲💲💲💲 環境指數:😍😍 💰人均消費:$101- $200 📍Sodam Chicken  銅鑼灣耀華街3號百樂中心7樓 #hkfoodie #香港美食 #美食推薦 #吃貨 #黃店 #韓國菜 #銅鑼灣美食 #放題 #任食 #食好西 #芝士 #薄餅 #炸雞 #neard好西

🥂咩都有d日本菜🍽 #悲傷小姐愛日餐 #悲傷小姐出沒銅鑼灣 ——————————————— 呢間餐廳以居酒屋為格調🇯🇵有海鮮缸每日供應新鮮海鮮,仲好甜心設計全素套餐,菜式配搭勁有心思🌸 💗牛肉野菜壽喜燒 + 御飯($100) 壽喜燒湯底都算濃郁,富甜醬油味。蔬菜有京蔥、冬菇、金針菇、娃娃菜、小棠菜、秋葵同紅蘿蔔,味道清甜爽脆🥬而嫩豆腐同粉絲吸收晒湯嘅精華。肥牛份量都算多,肉質幾軟嫩唔鞋🐮中間再加一隻流心溫泉蛋,更加香滑🐣 💗芝士雞卷($65) 外層炸至金黃酥脆,雞肉嫩滑多汁而且脂肪少🐔中間釀左忌廉芝士,不過芝士味唔夠突出🧀仲有紅蘿蔔同青瓜,中和油膩感。面頭嘅蜜糖芥末醬酸甜開胃🍯再配埋鹹鮮脆卜卜嘅三文魚子 💗海膽魷魚($14) 海膽魷魚軟淋得嚟有嚼勁,完全唔韌,味道鮮甜濃郁,完全唔腥🦑 💗火炙芝士玉子($10) 玉子燒食落甜甜地,但唔夠新鮮熱辣辣🥚加上芝士同沙律醬火炙,微微焦香又惹味🍣 味道指數:😋😋😋 扺食指數:💲💲💲💲 環境指數:😍😍 💰人均消費:$101- $200 📍築地日本料理Tsukiji Japanese Restaurant 銅鑼灣記利佐治街1號金百利廣場7樓R1室 #hkfoodie #sushi #sukiyaki #香港美食 #美食推薦 #吃貨 #打卡 #黃店 #相機食先 #天婦羅 #食好西 #日本菜 #銅鑼灣美食 #炸物 #定食 #壽喜燒 #壽司 #neard好西

🥂抵到爛日式火鍋放題 🍽 #悲傷小姐愛火鍋 #悲傷小姐出沒銅鑼灣 #悲傷小姐出沒荃灣 ——————————————————— 呢間餐廳嘅午市2小時火鍋任食都只係$188,到底悲傷小姐可以挑戰Refill幾多盤肉呢🍲 🍅蕃茄薯仔牛粒湯:湯底未算濃稠,味道偏甜唔酸,薯仔粒口感軟綿,牛肉粒就有少少硬 🎌壽喜燒湯:湯底富甜醬油香,不過加多幾次水後味道變淡 🐂美國牛肉:肥瘦比例適中,肉質軟嫩,油香同肉味都比較重 🐃美國極上牛肉:色澤鮮紅,肉質較瘦,牛味較淡 🐖特選豚肉:色澤粉嫩,肉質半肥瘦,肉味唔太突出 🐑紐西蘭羊肩肉:肉味濃同時騷味勁重,唔好羊嘅人要留意下 🍢自助吧台 長枱擺放各款新鮮蔬菜🥬、菇菌🍄同麵類🍜,而飲品款式就超級多,放滿兩個雪櫃,連啤酒都唔洗加錢🍺 📝點餐紙 火鍋配料主要係丸類,而自家製甜品大約有8款。整體款式較普通冇咩驚喜,可以主攻食肉回本。 👍🏼值得添食 💗芋絲:吸湯力強,食落爽口,更係低卡路里嘅健康之選 💗牛筋丸:口感彈牙,牛筋軟腍唔會韌,重黑椒味 💗藍莓芝士杯:忌廉芝士幼滑純厚,加上甜甜地藍莓果醬中和,仲有麥維他消化餅底 👎🏼有待改善 💔腐皮響鈴:唔夠新鮮香脆 💔Oreo朱古力慕絲:朱古力味超假,好似朱古力奶溝埋魚膠粉咁 味道指數:😋😋😋 扺食指數:💲💲💲💲 環境指數:😍😍😍 💰人均消費:$101- $200 📍 牛の鍋 Ushi Shabu  荃灣荃華街3號悅來坊2樓202號舖 銅鑼灣堅拿道西10號冠景樓2樓A號舖 #hkfoodie #香港美食 #美食推薦 #吃貨 #打卡 #黃店 #相機食先 #放題 #火鍋 #食好西 #尖沙咀美食 #打邊爐 #荃灣美食 #任食 #肥牛 #壽喜燒 #neard好西

Groups

香港飲食好地方

香港飲食好地方

最強飲食情報

最強飲食情報

尋覓各區美食

Eat all around😋 Taste•Enjoy•Life 歡迎大家投稿😜 只要提供:#Hashtag 地區、地址就可👌🏼 食評就大家喜歡就寫罷😉

尋覓各區美食

Profiles

Dordor

My name is Dorian😁

725 Followers

99 Followings

841 feeds

Dordor

真琴

6 Followers

0 Followings

7 feeds

真琴

Charlotte Yiu

https://instagram.com/miss_sorrow_foodie?igshid=8ycmc10wvp7b

469 Followers

2 Followings

58 feeds

Charlotte Yiu