15歲少女陳彥霖上年9月離奇赤裸浮屍油塘海面，佢嘅死因引起廣泛關注。到咗今日，歷時11日嘅死因研訊結束，陪審團今早經裁判官引導後，最後一致裁決，一致裁定陳彥霖「死因存疑」。 裁判官今早引導5人陪審團，指佢哋可以喺「死於意外」或「死因存疑」二選其一去達成裁決，但就表明剔除「非法被殺」以及「死於自殺」呢兩個選項。剔除「非法被殺」嘅原因，係因為裁判官表示，冇證據顯示陳彥霖係被襲擊致死、亦冇病理報告顯示佢受毒品或藥物影響；而剔除「死於自殺」呢個選項，則因為裁判官考慮到陳彥霖上年8月22日開始直至失蹤前發生嘅事情，同自殺呢個推論唔相並唔相符，因此佢就決定剔除呢兩個選項。 今次嘅死因研訊歷時11日，法庭傳召咗32位證人作供，當中包括陳彥霖嘅親人、男友、同學、法醫、警方等等。其中資深法醫馬宣立就提到，屍體全裸死亡「非常可疑」，佢亦感到「非常唔安樂」；相反，警方就稱陳彥霖嘅「死因無可疑」。直到今日，死因仍然未被解開。 #突發 #陳彥霖 #反送中 #死因研訊