秋生哥，生日快樂！😍 #黃秋生 #良心藝人 #黃藝人 #生日快樂 黃秋生生日願望：將畢生所學帶到台灣傳給下一代🙏🏻 噚日9月2號係黃秋生59歲生日，幾個鐘頭前佢喺twitter講咗一啲感受：「今天59歲生日，每年都有人問我生日願望，但總沒有特別想擁有，無所求。今年有了，願我能將一生所學之技帶到臺灣，教給下一代。」 好多網民祝佢生日快樂，有人講笑話想「想學人肉叉燒包」，秋生哥仲答佢「包店計劃中。」 到底係咪真係會開包店?秋生哥嘅廚藝又咁叻！ 之前一直傳黃秋生移民，傳過佢去加拿大，因為佢兩位囝囝喺嗰邊，亦有傳佢會去台灣，而日前秋生哥接受訪問時提過自己嚟緊仲有好多債要還，明年都60歲，如果退休係去公園捉棋或者同朋友坐埋想當年，自己就頂唔順呢啲生活，佢覺得退休生活應該有細藝，係做又得唔做又得嗰隻。秋生哥直言依家香港情況唔好，又混亂又經濟差，所以邊度有嘢做就去邊度。 秋哥生曾經話台灣喺文化同環境各方面都比較有空間，而啱啱佢喺twitter講嘅生日願望係將一生之長帶去台灣，相信未來佢都會喺當地落腳。 祝如願。