「暴龍哥」鄭中基由嚿年底開始已經冇上微博，今日《蘋果日報》報道佢疑拒做「護旗手」被打壓，擬撤內地市場。😍 鄭中基最後一次上微博係嚿年12月，佢轉發自己接受內地《一條》嘅視頻訪問，內容主要係講佢自從鍾情攝影後隠身社交平台，而鄭中基仲曲線咁形容：「每個人都需要有啲空間可以擺低『我』嘅各種身分，專心照顧自己。」又叫大家follow佢嘅Flickr，充滿搬竇意味。 呢大半年鄭中基開設咗自己嘅YouTube channel「機動電視台」，同埋喺Flickr upload咗唔少攝影作品，包括拍攝佢太太余思敏同埋具香港特式嘅街頭小巷甚至交通等等相片；喺呢段時間，鄭中基對香港嘅社會狀況好關心，雖然佢係來自有錢家庭，花名叫做「太子基」，但佢亦關注弱勢社群，過年時佢見到啲老人家排隊買口罩，佢就覺得要做啲嘢，於是聯同拾平台同埋工業福音團契IE兩個團體，向基層派發抗疫用品。 #鄭中基 #暴龍哥