Emilia的解釋： 好衰，人地樣生得衰+廣州人有鄉音+ 性騷擾上腦提出會配合拍AV，就屈人弱智 😩 咁樣玩「SM」、「以其人之道還治其人之身」有無道德問題係一回事，但屈個正常人弱智？ Inbox性騷擾表達正常、自己約去酒店要求拍AV、自己去ATM攞錢book房，自己去酒店，自己走，弱智？講真，我本來都無預計過事情會發展到咁，只係想約兩件滋擾我地嘅藍絲同時見面，拍下片睇下佢兩個點互動咁，但我嗰件遲到，之後Miss Pun處理「假弱智」嘅手法係我意料之外。我當時嘅反應有無錯，我都自己喺臭格反思咗30個鐘，亦要承擔相應後果，不論法律定輿論。但搞清一樣嘢先，佢真係唔係弱智。 我好愧疚，死好命咗咁耐，居然因為一單咁無聊嘅嘢就被捕，唔敢話對唔住同路人，都至少對唔住自己同身邊嘅人。但搞清楚先，佢只係生得樣衰，真係唔係弱智。 作為一個關注性暴力嘅人士，我反思我自己，有無俾對性騷擾者嘅憎恨、長年以來受到嘅滋擾，模糊咗應有嘅同理心、敏感度而做咗個不負責任嘅旁觀者、需負責任嘅半個參與者。我反思咗30個鐘，面對呢個即時情況，我當時嘅反應有無錯。但搞清楚先，佢真係唔係弱智。 我對自己失望，因為喺被困嘅時候頭腦唔夠清晰，記得「我無嘢講」，但唔記得「律師未黎之前我唔會簽任何嘢」，比佢哋逼一逼就簽咗張紙，係唔比我地電話聯絡外界嘅紙。但搞清楚先，佢真係唔係弱智。 另外，本人電話喺香港警察手中，裏面有大量裸照，多年來一張都無流出過，如果日後我有任何大尺度裸照流出，一定係香港警察做嘅。 但搞清楚先，今鋪我可能係弱智，男事主真係唔係。 我失咗手，對唔住咁多位，對唔住關心我嘅人，對唔住我自己，但真係無對唔住弱智人士。 #搣時潘 #emiliawong