大熱天時行山或跑步，唔少男女都以「少布先行」，男嘅索性除咗上衣，有啲女士會著 bra top。佢哋相信，除衫之後可令汗水直接揮發，令身體發出嘅熱能可以經汗水排走。 唔著衫，或著少啲衫，增加皮膚暴露於空氣嘅面積，確實可以加速皮膚上嘅汗水蒸發，有助降溫。不過呢啲情況只係天陰或喺樹蔭之下先有用。Chris Minson 補充，太陽光線可產生充足熱能，而皮膚被太陽直接照射，會令身體吸收熱量。所以，喺晴朗天氣下進行戶外活動，除去上衣其實無助降溫，反而令身體更熱，更大機會曬傷皮膚。 事實上，現今運動衣著物料十分先進，有優良嘅排汗功能，亦能夠防曬防 UV。所以，為咗保護皮膚免避曬傷，提高運動表現，以至維持良好市容，大家出街做運動都係著番件衫啦。 #本地遊 #旅遊