dead body認衰仔了😮 #楊岳橋 #DEADBODY 政治人物必須謹言慎行，唔可以信口開河，否則必定被追究到底。好似公民黨（公文袋）議員楊岳橋（AY）咁，因為一而再失言，畀網民鬧爆佢背棄誓言，縱使佢公開認衰道歉，但有網民都唔收貨，直情鬧佢係政棍。 AY曾經講過「Over my dead body」，事緣佢喺2016年參選嗰陣，話自己會努力守護司法獨立，仲講如果有人想搞香港司法系統，「Over my dead body！」唔少後生仔成日攞返呢句嘢嚟抽水，仲開咗個社交網站專頁「每日關心楊岳橋變dead body的情況」，每日1篇咁嘲笑AY。 當年AY呢句「名言」，一班支持者自然視之為承諾，但4年時間過去，原本係支持者嘅都批評佢得個講字背棄誓言，但唔覺佢有乜嘢實質政績為捍衞香法司法獨立企出嚟。AY睇嚟知道走唔甩，喺網上平台開直播嗰陣認衰，為言論道歉，話自己當年因為一時有情緒，又甩咗稿而失言。 睇live: facebook.com/AlvinYeungCP/videos/251548149481733