尋晚22/6又去試新嘢啦 今次要衝出港島區🤪🤪 去到人多車多嘅銅鑼灣 呢間位於世貿中心6/F 嘅Mr. Steak🐂 呢間Mr. Steak 特別之處係佢嘅形式唔同其他分店 佢係Buffet形式(**其他分店都係Semi Buffet 形式） 今次我訂左頭一節時間 由5pm-7pm 任食2小時 一入到去 眼見已經好多海鮮 分別有蟹腳、青口、翡翠螺、鮮蝦、龍蝦鉗 仲有忘記了影相嘅生蠔🦪（最吸引係生蠔係任食，但每次只限3隻，不過無限次數架）愛好生蠔嘅朋友，值得去食啦🤪 魚生就必定有啦 三文魚、𩶘魚、醋鯖魚、八爪魚、帶子、虎蝦刺身都有咁多款 跟住到熱葷啦 最吸引係有即燒薄切佐賀和牛 入口即溶 好Juice 又有香濃牛味 我家兩位少爺都食左5、6塊 不過每次只限一人一塊，不過又係無限次數嘅 所以愛好和牛嘅朋友又可以去試下 除左佐賀牛 佢仲有壽喜燒，又一愛好牛肉嘅朋友必食之選 牛肉嫰滑， 配合壽喜汁簡單好味到呢😋😋😋 要講下個酥皮牛肝菌忌廉湯啦 酥皮唔厚，仲要好脆，好好食 配合濃濃嘅牛肝菌忌廉湯別補一番風味 唔鐘意西式湯 唔緊要 佢仲有個燉湯 抱歉。。。。忘記左係唔知咩燉排骨湯添🤦🏻‍♀️ 不過，好清甜好䦞，內有雞腳、杞子、排骨... 實在太多嘢食啦 有啲我都無食到 到甜品啦 真係好多選擇 我試左個北海道牛奶奶凍 好香濃嘅牛奶味仲要好嫰滑 我一次過都食左4杯🤣🤣🤣 雪糕都有好多款口味 總有一款適合你 雪條就只得兩款 芒果同榴槤 榴槤雪條我至愛 所以我選擇左食榴槤而無食芒果 因為我實在太飽啦🤦🏻‍♀️🤦🏻‍♀️🤦🏻‍♀️ 到左最關注嘅部分啦 就係價錢啦（價錢表係最後一張相） 因為我尋晚食係星期一，5pm-7pm 時段 所以價錢係 成人：$438/person 小童：$288/person (**而家仲有7折架😍😍😍） 折左都係3佰幾咋 咁嘅價錢，有咁多嘢食 真心覺得超值呀 仲有呀， 如果你係當月生日 可以問下佢有咩優惠 我問左佢地生日優惠🎂 🌟佢地覆返我係：～🌟 ✨✨6位其中一個6月生日，show身份證證明，生日個位免費，只需比正價加一服務費，用信用卡埋單✨✨ 不過，大家有一點要留意 就係一定要早啲訂位呀 因為真係好Full 架 我打電話去訂位 佢都係得返5pm-7pm呢個時段咋 但呢個時段係最抵食架 點解？🤔 你地睇下個價目表就明白架啦🤣🤣 #自私廚房 #開心share #愛分享 #近排不停試新嘢 #真心推介比大家 #不妨試一試 #超值Buffet之選 #可媲美酒店嘅Buffet #MrSteakBuffetalaMinute