🙈酷熱天氣警告下去元朗信芯園農場睇向日葵花展🙈 園方都唔建議揸車入，因為冇位比你泊車嘅，就算泊農場後面都比人抄版，分分鐘啲牛肉乾都夠你去迪迪尼啦🙈🙈 大家可以去到朗屏站出面個家計會坐76K巴士去上水方向到石湖圍站落車，過返對面馬路，穿過橋底就會有指示教你點去農場。👉🏼 由於入農場條路有啲窄，只可以雙行單人一邊咁入去，如果係星期六日入去，而你又好似我咁遇到好多公主，就要比多啲耐性啦🙈 行大約5分鐘到（我行咗10分鐘🙈）就會見到有工作人員問你要邊隻飛，呢度要留意，10蚊嗰隻只係比你入園睇，而50蚊嗰隻就可以比你落埋田度影同去埋蓮花池度睇埋嘅，按自己需要買飛入場啦～☺️ 依家第一期花期過咗，所以要再行入啲先見到一片花海㗎，係香港難得見到咁多花，值得一去嘅，如果你放平日更正，應該冇乜人去，咁就成個花海都係你㗎啦，任影唔嬲呀。不過記得眼看手勿動，啲花農夫仲要賣嘅～同埋參觀完之後記得帶走任何垃圾，唔好隨地丟口罩呀～做個有品香港人呀😉😉😉