喱啲咪係做實事！ #御太 #清河 #祥龍圍 #上水 隨住御太區人口不斷增加，居民都越嚟越關注區內嘅交通情況。今個星期，峯仔約咗路政署、運輸署一齊落區巡視，搵方法解決街坊關注嘅交通問題。以下係交通問題小總結： 1️⃣高爾夫御苑行人路 由於高爾夫御苑無緊貼正門嘅行人路，加上青山公路古洞段車流較大，所以好多街坊擔心行人安全問題。就此，峯仔提出係高爾夫御苑門外增設行人路，通往前面巴士站之後過彩園邨，街坊就唔洗再貼住馬路係草叢上行。 2️⃣丙崗路行車路擴闊 丙崗路近牌坊位置，由於闊度不一，好多司機朋友反映會導致塞車。峯仔同政府部門實地考察之後，得知原來該設計係為咗附近學童安全着想，希望用作避車處減低行車速度。不過就便利考慮，路政署表示可以稍為擴闊，以免車輛碰撞。詳細擴闊嘅範圍，而家正在研究中。 3️⃣北區醫院門外階磚及行人指示牌 眾所周知，北區醫院門外行人路被一排茂木包圍。雖然遮風又避雨，但樹根都令到階磚凹凸不平，令到複診病友、用輪椅嘅老友記同街坊都唔太方便。峯仔向路政署反映之後，決定喺唔傷害到樹木嘅情況下重鋪問題嚴重嘅階磚。希望以後街坊可以方便啲，都減少啲積水問題。同時峯仔都已經申請喺北區醫院門外立路牌去鐵路站，等區外唔熟路嘅病友都唔使擔心蕩失路。 4️⃣清曉路、百和路交界塞車問題 現有巴士離開御景峰巴士站後需要轉右線上迴旋處，而御太區居民越來越多，包括未來清河邨第四期將會有三千名新朋友入住，塞車問題會更加嚴重。就此峯仔已經向運輸署提出，清曉路往百和路路口由一條轉右線，改為兩條。但鑒於目前路面寬道不足夠應付兩架大車同時轉右。我認為可以曠闊上水官立中學對出百和路，作為應付未來交通需求。