10A 港姐麥明詩淡出娛樂圈，轉行去一間著名顧問公司擔任顧問，同 TVB 轉簽一年一騷約。今日有傳媒影到佢喺中環返工嘅實況，見到佢 tea time 時段，同男同事落樓買下午茶，傳媒仲形容佢「降呢」「外賣妹上身」「做阿四」，指佢嫌人工唔及藝人咁好搵，份工又悶，想 lur 返 TVB 呀！ 麥明詩之後喺社交網回應，落閘堅拒回巢，指勤力返工雖然辛苦，但充實又有意義，佢話：「沒有回巢想法，勤力返工嘅，有乜邊個唔辛苦，但係有付出先會有收穫。現時工作充實有意義。想繼續發展依家嘅專業事業。」 麥明詩仲反擊一班笑佢 OL look 嘅人，佢話：「日日返工係唔會有時間扮靚，連頭髮都冇時間梳，批評打扮冇乜意義。」 一向都覺得佢係醒目女～　 #麥明詩