特工準備好未？ // 我有位做採購嘅朋友，早排有個新offer係駐廣州，不過佢最終都turn down咗，原因係佢之前嘅國內舊同事send咗好多相嚟，話武漢疫情比大家見到嘅新聞嚴重，嗰啲來自中國嘅報道同埋數字，你將嚴重性放大10倍就差唔多喇。 武漢封城之前，有好多人的確夾硬食退燒藥去逃城，有人搭飛機去歐洲、日本、東南亞，仲有個武漢女人話自己成功逃脫，順利飛上海入住迪士尼，連佢嗰班同胞都喪插佢自私。 當然，又唔係個個都咁無恥，有武漢人號召留守，不過封城之後，當地超市同埋便利店人山人海，幾乎所有食物被搶購一空；半夜三四點有極多人去醫院排隊；突然又會見到幾個重裝備嘅人喺街上用擔架床抬人走；住嘅地方都會有成身保護衣物嘅工作人員上樓，以上嘅嘢唔係道聽途說，全部有相。 我朋友搵咗幾個月工，而家有offer又放棄，問我係咪好浪費：「其實又唔係去武漢，我都係去廣州啫，turn down會唔會太衝動呢？」 「最緊要自己感覺舒服同埋自在，提心吊膽就無謂啦，而且過埋年有好多工都會執位，睇定啲先囉。」我唯有咁樣安慰佢。 其實對我嚟講，莫講話武漢、廣州、深圳，最近喺香港出街都覺得好危險，點解？因為仲有好多人係冇戴口罩，而且口罩淨係得有責任感嘅人先會戴，嗰啲喺街同埋喺車上面咳嘅撚樣反而唔戴，咁你話驚唔驚？

在讚嘆特工召喚禮包靚到喊嘅同時 唔知點解，腦裏面有聲 …… 自由神像 在遠方迷霧 俯首低問 何時何方何模樣 ( 我唔知點解我識呢隻歌 👌 ) 特工昌已經執緊包袱飛往紐約 🙆🏻‍♂️