呃人賺污糟錢可恥！ 有街坊發現並傳來照片揭露，位於大埔大榮里及大光里之間的恒益菓業公司用價錢牌掩眼法引買榴槤的顧客上當。 在當眼處，你的視線往往很易投放到圖中的價錢牌上；金枕頭$17/磅？！嘩！ 當你以為筍價叫店員幫手揀，他便詐詐帝敲兩敲幫你揀，隨即急急磅一磅，然後話$120。 查實，你若以為$17/磅，點計都一百元有找。 如有顧客直接問店員，請問榴槤幾錢磅？佢唔會直接答你，再問兩問才指住已劏開包好的榴槤說：「呢個百二蚊！」 曾有知情者告知，當有醒目顧客懷疑$17/磅計，手中榴槤頂多$90左右，再問點計，店員才死死氣將隱閉深埋的標示$25/磅的價錢牌稍為抽高！ #大光里 #taipo #大埔