頭先喺屋企樓下大堂等𨋢，隔離有個媽媽同一對小兄弟。當時電視播緊立法會，泛民衝埋去主席位同李慧琼理論嘅一幕。睇咗一陣就有𨋢到，大家入到𨋢就㩒掣，閂門。呢個時候，媽媽就出聲了。 媽：你哋咁唔守規矩，尤其係細佬呀，好似電視啲人咁呀。 我：(心諗，唉又係藍絲教仔) 媽：唔使跟規矩㗎喇你哋！ 我：(唉，不要再說了) 媽：衝埋去霸住個位就做到主席㗎啦！ 我：(唉⋯⋯咦？) 媽：你哋學佢咁啦好唔好？ 兄弟：(同聲) 唔好！ 媽：點解唔好？你哋仲學人講大話！做警察啦好唔好？ 我：😦 兄弟：(超大聲)唔好！ 媽：點解唔做警察？學佢哋講大話，同佢哋一齊做警察啦。 兄弟：(崩潰) 唔好！ 呢個時候，我就出𨋢了。留下憤怒嘅媽媽，同一對崩潰嘅兄弟。