【羅仲謙稱拍得醫生劇多 剪臍帶沒手震】 羅仲謙（謙仔）與太太楊怡今日宣佈囡囡「小珍珠」搶閘出世，初為人父的謙仔繼續為新劇《陀槍師姐2020》開工，他於晚上6時許在外景現場見傳媒。受訪時，謙仔透露囡囡比預產期早十幾廿日，於16號剖腹出世，健康良好，過程順利，但出世體重不夠6磅，體形細細粒，外母覺得似珍珠。 對於不少人覺得囡囡似他，謙仔卻認為更似胞姐和爸爸，又笑言不可以讚囡囡靚和乖，但自己往往忍不住讚，並謂對囡囡很掛心，開工期間往返醫院幾累都值得。談到入產房全程陪阿怡生B，謙仔笑道：「我親手為囡囡剪臍帶都沒手震，可能拍得多醫生劇，護士問我可以嗎？我還稱應該跟拍劇差不多。當時我全身帶齊拍攝裝備，見到囡囡出世時，比想像中更感動，之前是隔住太太肚皮，到親手抱囡囡一刻，即使囡囡身上仍滿佈液體，我也感溫馨，覺得囡囡表情很溫柔，但很多人提我記得要先問候老婆，自己都識做會記住。」 至於為囡囡改名，謙仔稱交給長輩話事，又笑言別太多筆劃驚囡囡被罰抄時很辛苦。現時他正學習餵奶，半夜起身都會餵夜奶，昨日亦因學餵奶而遲返工，母乳和奶粉都有食，最驚自己粗魯不慎屈到囡囡手腳，換片則未學；而囡囡開始收水，樣子每日變，但他說：「我不會似痴漢不停望囡囡，但會每日幫她拍照，手機全是囡囡照片。」提到阿怡家姐卓娜前晚仍未知BB出世，謙仔指她只是口密，其實知道，因太太想低調。