仲有無人記得四年前嘅今日…… 2016年2月28日 立法會新界東補選 當年年初二，魚蛋革命 全城割蓆，個個譴責暴力 呢個時候，梁天琦肩負整個本土派出嚟參選 當年，雖然梁天琦贏唔到 但到今日大家依然當佢係精神領袖 點解佢咁特別？點解佢講嘢咁吸引？ 因爲佢唔係淨係同你講要關鍵一席，佢唔係淨係同你講政治立場 好記得係一次論壇，梁天琦話：「我唔係要爭取香港人嘅接受，我要爭取嘅係香港真正嘅民主自由，入到議會我都會繼續武力抗爭」 佢最令人眼前一亮嘅係佢有願景：本土、民主、自治 佢電視辯論同你講香港要自給自足，要本土化 四年後嘅今日，又係選舉年 今年9月，全力爭取35席過半係共識，但邊個坐呢35個位呢？ 最重要嘅分野係邊啲有藍圖有願景有執政意志，邊啲可以講得出攞35席佢會點抗爭，邊啲講唔出 今年嘅立法會只會有攬炒派同收成期之分，前者攞過半就會無限投反對逼政府到絕境要解散立法會攬炒，後者攞過半以爲自己贏咗 邊啲人係咁說服你投票俾佢過半，邊啲人有執政願景直接吸引你投票俾佢，將會一清二楚 以上只係個人預測，純粹有感而發 四年前，由梁天琦開始 今日我哋終於跟上 #光復香港 #時代革命 不同路線點樣分歧都好 場仗我哋都要一齊繼續打落去！ CR. lihkg.com/thread/1901600/page/1