致一眾藍絲: 一個月前，我地曾經同你地講，武肺疫情係會持續而且漫延開去，做好準備，你地唔信，話政府會幫你搞掂。一個月後，你地一直鬧既，係幫私地下自己辛辛苦苦幫你地撲口罩番黎既人，然後怨人無話你知，資訊不足。 We did tell you, but did you listen? 兩個月前，我地曾經同你地講，大陸有機會會有疫症發生，而香港政府唔會為你地做任何野，叫出黎遊行既人唔好阻住你地做生意。兩個月後，你地既生意面臨真真正正既衝擊，四百蚊一盒外科口罩，比人鬧仲有面郁手打人，話你地唔知會發生咁既事。 We did tell you, but did you listen? 三個月前，我地曾經同你地講，有一大班學生，被圍困係大學裡面，傳出離既係「我地唔夠人，出黎幫我地手」，你地話「岩喇，打死班暴徒就岩喇」。三個月後，呢班大學既人諗盡辦法幫你地抗疫，你地埋怨既，係佢地比唔夠野你地，話你地唔識呢D野，智識份子應該一早話你知會發生咁既事。 We did tell you, but did you listen? 四個月前，我地曾經同你地講，10月1號沒有國慶，只有國殤，仲有個學生比人行刑式兜心口射左槍，你地話國慶就應該慶祝，無中國邊有香港。四個月後，你地怪既，係幫你地爭取緊全面封關既醫護，話我地邊識呢D野，今時今日既醫護都唔知搞咩，宜家疫區既大陸人仲可以自出自入香港關口，可能就係你身邊。 We did tell you, but did you listen? 五個月前，我地曾經同你地講，淨係撤回條例呢一樣野，都已經要生要死，求林奠幾個月佢先會諗吓理唔理，五大訴求係缺一不可，你地話條例都撤左，仲係度搞事。五個月後，林奠繼續當香港人發up獨，你死你事，唔關佢事，你地宜家就話係班暴徒搞亂曬香港先搞到控制唔到疫情。 We did tell you, but did you listen? 六個月前，我地曾經同你地講，831打死人，班狗都係唔會有任何責任要負，你地話831無死人，有都係抵死。六個月後，你去反抗民居隔離營，班狗衝出黎咬你，你怪周圍既人唔好好保護你，話唔知點解D狗會咬你。 We did tell you, but did you listen? 七個月前，我地曾經同你地講，721警黑勾結，撐警撐政府就任打都得，你地話有咩問題，佢地係保護家園。七個月後，你地保護家園，燒埋個準隔離營，比其他藍絲話你暴力，打爛曬D地方，自私，你話你唔明點解會比人鬧。 We did tell you, but did you listen? 八個月前，我地曾經同你地講，我地香港人唔企出黎，真正改革呢個政府，係唔會有出路，你地果陣仲睇緊CCTVB，指住個mon大叫暴徒，搞港獨。八個月後，離地既政府叫你蒸口罩，將就吓，免費醫大陸人，口罩優先送中，你宜家先開始問點解政府會變成咁。 We did fucking tell you, but did you fucking listen? #手動轉 #轉po