攬炒派 is ready // 【票房暴跌】衞生局長陳肇始叫戲院閂門防疫 院商反建議叫埋食肆停 武漢肺炎疫情持續，今日韓國宣佈香港成為疫區。昨日食物及衞生局局長陳肇始在記者會上，強烈勸籲市民留在家中，同時建議戲院、卡拉ok及會所暫時停業，避免人群聚集活動，更說「我喺街度仲見到塞車」。 有不具名的戲院商向《蘋果》透露，斥陳肇始此舉是出口術，而且將責任單一化，該名院商接受訪問時表示：「你唔封關，引晒啲人嚟，而家將個責任推畀經營者，係咪公平？其實已經少咗好多人睇戲，你睇農曆新年個票房跌咗幾多就知。至少入戲院睇戲嘅觀眾都戴晒口罩，你要叫戲院停業，咁點解唔叫埋食肆停，明顯欺善怕惡。」該名院商表示大部份戲院跟商場合作經營，不能說停就停︰「唔似之前又一城成個商場停，戲院都焗停。如果你出法令，命令戲院停又唔同，不過我諗到時院商一定會尋求司法覆核。」 近日受疫情影響，香港戲院商已叫苦連天，票房已反映一切。昨日單日最高票房是荷李活電影《猛禽暴隊：解瘋小丑女》（Birds of Prey）的66.9萬元，上映5日累計票房670萬。此片上映前被院商視為救命繩，但最終票房只是一般。而《猛禽暴隊》是昨日唯一一部單日票房能過6位數的電影，打從第二位的《家有囍事2020》起計，全部只有5位數單日票房，情況慘烈。電影票房不濟，早在農曆年假期已有迹可尋，根據香港票房有限公司提供的資料顯示，今年年三十晚到年初三，4日票房累計為4,289萬元，較去年同期的6,128萬元，少了足足接近2千萬，下跌超過30%。 #猛禽暴隊 #陳肇始 #武漢肺炎