約咗朋友嚟呢到食晚餐，入門口已經覺得有文青Feel嘅感覺，仲有一個大韆鞦係到，入到去露天位置就好似滿天星星，感覺好浪漫(夜晚嚟感覺好好) 同朋友睇完餐牌就嗌咗份【牛油香草白酒蜆 $98】大大隻蜆，份量都好多，又香又吸引，肉質食落鮮甜嫩滑，肥美多汁又無沙，浸哂係有洋蔥、檸檬、香草、牛油、白酒嘅湯汁內 再嗌咗個主食【巨型豬扒跟薯菜 $188】又厚又大塊嘅豬扒真係好吸引，外層煎得香脆，用慢煮方式，鎖住肉汁，豬扒食落肉質嫩滑多汁，伴黑椒汁；厚切香脆薯條，伴茄汁，另外仲有配菜，煙肉包住蘆筍及粟米BB、切片蕃茄 + 切片翠玉瓜。仲嗌咗個香脆薄 pizza【巴瑪火腿火箭菜薄餅 $103】份量唔少嘅Parma Ham、火箭菜、黑松露蜜糖醬，味道甜甜好味、芝士 被餐牌上嘅飲品名吸引住，嗌咗杯【多一士不如小一士 (士多啤梨沙冰) $48】飲落涼透心，香濃士多啤梨味，仲加入咗乳酪 + 檸檬汁，味道帶少酸又唔會太甜，清甜開胃，一飲愛上 呢杯 Mocktail 淨係睇賣相已經好靚【戀愛預告 (Mocktail) $58】頂層係雪糕，杯飲品加入咗玫瑰花蜜、荔枝汁、蝶豆花，味道清甜好味，攪勻舊雪糕一齊飲，味道更突出，味道變得不一樣 飯食甜品就嗌咗【香蕉朱古力焦糖奶蓋瀑布蛋糕 $98】輕輕抽起包圍住蛋糕嘅膠帶，頂層嘅朱古力脆脆球+焦糖奶蓋即時覆蓋整個蛋糕，香滑焦糖奶蓋，上下兩層蛋糕口感軟綿綿，中間層夾著軟滑厚身忌廉，忌廉加咗焦糖，味道較甜；仲有個香濃朱古力雪糕球 + 切片香蕉 合十 觀塘巧明街117號港貿中心2樓201號舖