譽宴促銷救亡 高手號召母親節齊杯葛「蝕到佢阿媽都唔認得」 新一代「藍店」譽宴逼員工打疫苗、誣蔑年輕抗爭者，全城杯葛之聲不絕，集團生意額不升反跌，全線推出優惠救亡。有熟悉飲食業人士分享，本周日母親節傳統上是全年最旺檔期之一，若能杯葛抵制至當天生意「清零」，肯定重創整月營業額：「蝕到佢阿媽都唔認得！」 譽宴繼上月被傳媒踢爆逼員工接種肺炎疫苗後，主席周日在節目上更公然誣蔑年輕抗爭者收錢攪事，惹怒全城，網上洗版式轉載杯葛聲明：「敬告各親友，以後大家擺酒，婚宴也好、壽宴也好、滿月／百日宴、榮休、春茗也好，又或者請食飯，或者只係湊飯腳吹水，如果地點是譽宴婚宴及相關集團名下的食店，大家可以慳返，唔好嘥錢派帖俾我！」《門徒媒體》記者昨晚在譽宴‧星海薈沙田分店視察，6時晚市開始後，頭半小時，一個客人都沒有，十分慘淡。 譽宴逼員工接種肺炎疫苗，得以享受放寬至6人一枱的待遇，但生意額不升反跌，今天推出「抗疫震撼優惠」救亡，聲稱是「感謝各界一直支持，同時感謝全體員工支持全民接種疫苗」，包括其原價568元的招牌白胡椒蟹，晚市散座堂食減至298元；原價588元的蠔皇原隻花膠扒，晚市散座堂食減至298元，減幅近半，優惠適用於尖沙咀The ONE、觀塘鱷魚恤中心、銅鑼灣利舞臺廣場、沙田萬怡酒店分店。 有熟悉飲食業人士在網上論壇分享，本周日的母親節，對於業界來說，傳統上是全年最旺檔期之一，和農曆新年、中秋、冬至等節日同樣重要，而母親節聚餐食肆，通常由子女決定，即使母親想吃譽宴，「孝順子女」當天也有權改選其他食肆慶祝，若大家能夠徹底杯葛，令譽宴母親節生意「清零」的話，肯定重創整月營業額：「一定蝕到佢阿媽都唔認得！」 #母親節 #譽宴