疫情之下，大家都特別注重衛生清潔，當中居家清潔亦變成重要一環。估唔到新加坡公司VEHS瞄準商機，早前推出限定兩日嘅「猛男清潔服務」（Hunky Guy Cleaning Service），只要一個柯打就有班半裸小鮮肉上嚟幫你打掃清潔，係新加坡有史以來首個「猛男清潔服務」。結果Facebook貼文一出，便引來過萬個留言，成為一時熱話！ 當然享用呢個與別不同嘅服務，價錢都不便宜，根據VEHS公司公開嘅價目表，一間套房索價420新加坡元（約港幣$2,450），兩房一廳嘅公寓就要490新加坡元（約港幣$2,850），至於豪華頂層公寓就要700新加坡元（約港幣$4,000）。消息曝光後便引來廣大網友討論，當中不少網友打趣地留言，「清潔範圍包唔包括我本人？」、「唔應該著牛仔褲，給我脫掉轉短褲！」當然亦有反對聲音: 「咁貴，我不如幫襯專業清潔公司？」如果香港有呢個清潔服務，一眾女士們又會唔會幫呢？ #做家務 #家務 #疫情 #新加坡 我有啲癃癃罅罅位唔係好乾淨 可以幫忙清潔一下嗎？