歌手張敬軒事隔一年多再次參與無綫《勁歌金曲》錄影。據悉，全集錄影將以他為「主角」，如小型演唱會一樣，而錄影過後高層何麗全及樂易玲特意現身探班，可見軒仔相當受重視！談到現時可亮相各電視台，他說：「好事，好似我經營餐廳、婚紗店同錄音室咁，百花齊放先有得做。」 軒仔直言今年會回歸娛樂圈，又指經歷疫情後，大家都需要音樂治療。問到可會爭取唱劇集主題曲？他笑言：「其實以前我都唱過《盛世仁傑》主題曲，都唔記得嗰時係咪喺舊時公司，再唱睇劇本囉。（有興趣拍劇？）我客串過《四葉草》，依家草都變咗樹，哈哈！我個人比較喜歡拍古裝，以前都想過叫化妝師幫我黐頭套嚟睇吓，但又驚吊威吔，事關以前拍廣告試過吊足10幾個鐘，真係個個部位都痛，擔心身體功能呀！」 #張敬軒 #neardgossip