樂壇第五張成績表？？？會唔會變Mirror頒獎禮？希望花姐唔好步TVB後塵 香港樂壇嘅四張成績表《新城勁爆頒獎禮》、《叱咤樂壇流行榜頒獎典禮》、《十大中文金曲頒獎禮》及《勁歌金曲頒獎典禮》早前已經圓滿結束，ViuTV喺噚晚終於宣佈加入戰團，並將會舉行香港第5個樂壇頒獎禮「CHILL CLUB推介榜年度推介20/21」。 有消息指ViuTV喺上年已經想舉行頒獎典禮，仲喺10月嘅節目巡禮中話頒獎禮嘅賽果係由全民投票產生，不過之後未有其他消息。去到噚晚播出嘅《CHILL CLUB》，主持人駱振偉宣布將於今年4月舉行首屆音樂頒獎禮「CHILL CLUB推介榜年度推介20/21」。其他頒獎典禮都係年尾總結，不過ViuTV嘅計法就同佢哋唔同，ViuTV會統計由上年5月31號去到今年2月28號歌手們喺「CHILL CLUB推介榜嘅成績」，然後頒發年度推介歌曲、年度推介男歌手／女歌手／組合及新人等獎項，稍後佢哋會公佈更多詳情。 #VIUTV #VIU #本地音樂 #廣東歌