歡迎收看～東東菜 本地遊餐廳點評 》Top Blade Steak Lab 《 💛沙田黃店 尋晚夜晚出咗沙田整電話，整整下話咁快就過咗6:00！ 禁堂食時間🥲 我好少夜晚係街度食外賣⋯⋯ 咁就上網 Google 下附近有乜嘢沙田黃店啦，就比我發現咗呢間 💛 Top Blade Steak Lab 香港加油 牛肉飯！我相信呢間 Top Blade Steak Lab 牛肉飯係成個新城市最平嘅嘢外賣便當，平過 city super 嘅熟食檔！牛肉飯都只係$58👍🏻 拎咗外賣出左去沙田大會堂出面食，坐滿人！個個都食緊外賣，好有大學個陣嘅感覺～ 仲有人彈結他，jam歌。😌 😂 係咪好想知 Top Blade Steak Lab 個牛肉飯好唔好食？ 啲牛肉好似牛腩咁，絕對唔係平時你哋食加藤屋或者係吉野家個種。依家諗返真係勁似牛腩！但係又有筋，食落彈牙，唔癡牙。 所以 Top Blade Steak Lab 整體來講都可以嘅～ （無乜汁有點乾）送左罐可樂 GUR返！幫襯黃店呀！💛 東東菜 本地遊餐廳點評 》Top Blade Steak Lab 《 價錢： 牛肉飯 $58 平！ 味道： 算係香港扒房～出名都係鋸扒！ 講真牛肉飯麻麻地，有筋嘅牛腩（有啲乾無乜汁） 服務： 都等左外賣一陣，收八達通，方便！ 地點： 超近沙田大會堂，可以買完好快就坐低慢慢食！ Top Blade Steak Lab (新城市廣場) （扒房） 地址: 沙田沙田正街18號新城市廣場1期1樓108號舖 #沙田黃店 #新城市廣場 #牛肉飯 #TopBladeSteakLab #禁堂食 #晚市外賣 #外賣紙 #外賣自取 #東東菜 #手機最近一張食物相 #放假做咩好