祝呢對新人喺亂流下幸福平安🙏 年紀輕輕已投身香港社運嘅民主派荃灣區議員岑敖暉（Lester）日前遭警方國安處以參加民主派初選涉違《國安法》之名拘捕，獲釋後即喺Facebook報平安，並談到面對中共極權同恐懼機器打壓下，「香港會否被消滅如（與）否，視乎我們每一個人、每一個個體，在極權下能否交到乎（符）合自己期許的功課」。 雖然香港民主同未來仍然一片黑暗，唔知幾時先有完成功課嘅一日，但Lester喺人生路上，相信已經搵到「答案」。皆因八方近日發現，佢原來已經同曾任Now新聞台女主播余思朗（Nicole）入紙註冊結婚。 根據婚姻註冊處貼出嘅擬結婚通知書，Nicole細Lester幾個月，兩人同樣都係27歲，並報住同一地址。八方今午就上述消息向Lester查詢時，佢話「唔回應」，似乎唔想婚事太高調。 #岑敖暉 #余思朗 #nearD熱話