係又唔錯喎😍 #許廷鏗 #全民造星 #全民造星III #viutv //許廷鏗因為上咗《全民造星III》做評判而再度引起關注，佢噚晚喺《叱咤》都講返11年前因為參加歌唱比賽入行，估唔到11年後會因為另一個歌唱比賽而令大家喺街上叫佢加油；而牙醫嘅好朋友Joyce鄭欣宜，同樣因為做《造星》評判贏like，佢嘅真性情、真反應好正，Joyce俾冠軍阿Ben嘅折骨舞嚇到縮埋變咗倉鼠手，到依家都好記得。由於好多網民都覺得佢哋本身好friend，各自做評判又好睇，建議《造星》第四季可以搵佢哋做導師，但另外亦有指梁祖堯都有機會接棒做導師。 Joyce同許廷鏗以前同唱片公司，大家好投契，而且一齊經歷高低起跌，每次Joyce喺社交平台貼兩人合照，都會異父異母低能巨孖寶，感情好似家人一樣，如果佢哋做《造星》導師應該幾得意。許廷鏗噚晚喺《叱咤》領獎後，都有被記者問到會唔會做《造星》導師，牙醫話《造星》嘅監製花姐係有問過佢想唔想再玩，「暫時係未知之數，隨緣啦！但係呢件事係開心，有呢個節目就令大家對音樂再次提升關注。」// facebook.com/smartpostHK/posts/2857738144482431