抽獎活動..大家有興趣可以入去玩下 instagram.com/p/CJFgXj0BV7R/?igshid=13leeiz5x2he2
Related Feeds
色味俱佳在家居酒屋 每年冬天時間都會去日本居酒屋品嚐和詳談一番..可惜疫情關係唯有係香港的日本居酒屋憶念一下🍴剛好途經經過呢間位於大埔的居酒屋新開張...當然支持支持一下🙈 一入去餐廳裝修簡潔俐落的設計..柔和的燈光帶比人温暖的感覺..再加上音樂令人坐得十分寫意..完全適合平時傾偈嘅氣氛.. 店員悉心介紹店舖的主打菜式..唯有跟叫一下..避免了我的多重選擇困難症🙈 店員推介： 1）在家特選壽司盛8件$218 店員話呢一個係每日選出最新鮮的刺身作為壽司🍣內裏包含：三文魚刺身，金目鯛刺身，甜蝦刺身，珍寶赤蝦刺身，海膽刺身，帆立貝刺身，深海池魚刺身... 刺身壽司真係值得一讚👍🏻件件都真係鮮味滿載🤤 最令我回味是： -青檸配合帆立貝刺身..青檸完全可以突出帆立貝的質嫩爽口得黎又鲜美多汁🤤 -金目鯛刺身..上面有紫蘇花食落清新嘅味道，食完成口都充滿紫蘇花的味道真係口齒留香... 2）旋風滑蛋鰻魚丼$98👍🏻👍🏻 前菜：麻醬沙律 餐湯：鮮蝦豆腐麵豉湯-蝦味完全融入麵豉湯裏面，鮮甜又唔會太鹹.. 主食：旋風滑蛋鰻魚丼-半熟滑蛋完美呈現旋風型態，滑蛋內中心滿佈厚切鰻魚..口感結實..配合滑蛋加燒汁真係一啖一啖食晒落肚...呢個係我最滿意嘅一道主食👍🏻👍🏻 3）明太子玉子燒$22 呢個係我其次最鍾意食嘅嘢..濃郁明太子醬加上層次分明玉子燒回味無窮..如果再滑多小小咁就好🤤 4）自家製月見免治雞肉棒（配留流心蛋）$38 別具風味的一道菜...色澤焦黄油亮食落香脆..雖然係炸的..但完全油而不膩..不過可惜嘅係肉質太過結實有少少似60歲嘅阿婆咁 5）螢光魷魚芝士$48 魷魚一定要配合芝士一齊食..唔會流...可惜爭支酒🙈 在家居酒屋 (大圍) 大圍下徑口村154號地舖 instagram.com/p/CJfNCr5hi_4/?igshid=1taqzseqw3wiq
🇭🇰尖沙咀｜新奇百趣中餐廳 最近放假經常尋覓新創意的食物..見到呢間餐廳千其百趣的菜式忍唔住去幫襯下🤤 餐廳裝修別具典雅..裝飾以雀籠的造型作為點綴..既溫馨得黎又高貴大方🙈加上座位位置夠寬敞..適合暢所欲言的小聚🥰 一開頭就係比餐廳既精美點心造型而吸引..真係係美食當前都忍唔住相機食📸 冰鎮咕嚕肉$99必叫👍🏻 咕嚕肉下滿布冰塊🧊令咕嚕肉外冷內熱甘脆爽口.. 極品風味令人愛不釋手..簡直是高級享受全新體驗..口感十足🤤🤤 小小熊仔🐻❄️（流心朱古力🍫）$49 以得意可愛的小熊🐻作為流心朱古力包既主題..只係細細咁咬一口..香滑濃郁既朱古力醬不停流出..並沾上整手都係朱古力醬..朱古力醬甜到剛剛好..唔會過份甜🐻可惜麵包有點硬.. 黑金流沙（奶黃流沙🐣）$49 上面有層金碧輝煌的金箔..輕輕的掂一掂..指尖上充滿滿當當的金箔...望落相當高雅..流沙包流沙已經是理所當然的事實...內裏的奶黃香甜軟糯..有少少似吉士..如果可以多一啲鹹蛋的味道咁就更心滿意足了🐒 非常山竹（龍蝦汁、蟹肉）$49 精美小山竹..意想不到的是利用伯利茲作頂部..十分相似..外層香脆可口..內裡鲜美多汁..啖啖蟹肉絲和龍蝦🦞汁ㄧ嚐再嚐念念不忘🤤 皮蛋豆腐（雪花糖心）$59 一片一片薄薄的豆腐排列整齊真係考驗刀工的時候..麻醬配皮蛋豆腐令喜出望外的合拍.. 香濃滑順皮蛋甜而不膩麻醬輕爽無負擔豆腐作為前菜實在太開胃🙈 椰皇燉雞$69 滋補椰皇燉雞冬天必選...足料燉雞離遠經已香氣撲鼻...濃濃的椰皇香令人香味繞舌..回味無窮 知粥常樂（海鮮蟹粥）$49 寒冷的天氣配合海鮮蟹粥必備..令人暖意在心頭🥰海鮮蟹粥鮮味十足..啖啖粥水充滿啖啖蟹肉絲👍🏻完美之作😍 總括：食物環境方面近乎完美無瑕..服務嚴重人手不足..長期找不到能協助的人..要三催四請才能得到服務😞本來還有黑豆漿可惜催了再催吃完也不來只好取消... 餐廳：唐宮小聚 (新港中心) (尖沙咀) @socialplacehk @socialplacesg 地址：尖沙咀廣東道30號新港中心3樓303號舖 instagram.com/p/CJiNP4HhYrM/?igshid=1dzpmwomgu7ga
滋味Fashion泰國餐融入牛角包🥐 一直鍾意食包嘅我見到咁有創意既Fashion菜當然唔放過啦...今次位於位置堅尼地城呢一間lemon grass泰國菜..地理位置方便從堅尼地城地鐵站出口一出3分鐘都唔使已經行到📍一啲都唔難搵 餐廳推出咗一個2/3/4 courses set..鍾意食啲都可以無拘無束自由配搭..超級抵食4 course 都係228，啱晒咩都想試嘅我🤤 法式龍蝦湯流心牛角包🥐 望落酥酥的外皮..遠處已聞到濃郁的黃油香味好吸引呀🤤一切開濃郁龍蝦湯從牛角包裏蜂擁而流.. 非常刺激有澎湃..食落龍蝦湯夠香滑濃稠鮮香又滋味..😍😍正..打卡無極限😚 泰式燒西班牙黑毛豬頸肉🐽 食泰國菜點少得叫泰式豬頸肉..豬頸肉烤得香口又惹味..肉質爽口彈牙再配合酸酸甜甜辣辣地嘅醬汁簡直一流..即刻醒胃😍 花生醬沙嗲雞串🐥 望落燒得焦香的雞肉外層..食落肉質嫰滑可口的雞肉..夠曬精神..再配合粒粒花生🥜醬汁...真係食到津津有味.. 真空慢煮法式焦糖燉蛋🍮 法式焦糖燉蛋賣相精緻..口感滑嘟嘟..可惜上面層焦糖似黃糖又唔脆..燉蛋又太甜🤣可能係我對太甜嘅嘢一般般嘅關係... 特飲+$28 黑芝麻燕麥飲 估唔到上面有❤️拉花咁靚..可惜黑芝麻味淡淡的..如果可以濃啲咁就更加好啦😍 Tiramisu 芝士奶蓋咖啡☕️ 濃濃芝士奶蓋+咖啡☕️估唔到咁合拍..平時淨係飲開齋啡既我..飲過一次就即刻愛上左😍 額外仲叫咗 椰子雪糕配風乾鳳梨🍍及紫糯米$78 咁多個甜品最鍾意食呢個...紫米煮得啱啱好夠彈牙有咬口..再加埋濃郁椰子🥥香雪糕簡直係絕配...一凍一熱好鬼正😜 泰式奶茶🧋流心牛角包🥐$68 一嚟到奶茶香味勁重..一切落去同龍蝦湯流心牛角包一樣不斷澎湃地湧出..食落奶茶味同著名泰國珍珠奶茶飲品既味道相若..但本人更為喜歡龍蝦湯留心牛角包🥐 享慢煮泰-lemon grass (西環) 西環堅尼地城卑路乍街150號加多近山地下A號舖 instagram.com/p/CI4ooNghiuC/?igshid=16zg7hpelw3gw
:background_color(white)/https://avatar-storage.neard.com/086acf390568875a3108d56a2c02dd2e.20210421084857.1618994937.4184.jpeg)
:background_color(white)/https://avatar-storage.neard.com/8f0c119de896352ba5350fbf854eae45.jpg)
:background_color(white)/https://avatar-storage.neard.com/89bc0d6b20f2e07450c8ac544d189122.20201215171415.1608052455.078.jpeg)
:background_color(white)/https://avatar-storage.neard.com/f612c3bf4e84bde393c73be9675fa21d.20201217125752.1608209872.1829.jpeg)
/https://static.neard.com/images/app/district-covers/hk/%E5%85%83%E6%9C%97%E5%8D%80.jpg)