【漫遊虹上彩雲】 黃大仙區除左被遺忘嘅新蒲崗之外，仲有一個有舊式屋邨韻味而又唔太引人注目既地方———彩雲邨。 總係覺得以前屋邨改名比而家有心思，彩虹邨面向啟德機場同維港，雨後多會出現又大又圓既彩虹，所以叫彩虹邨，而新建屋邨喺彩虹邨嘅上面，取”虹之上為雲"意景命名為彩雲邨。 彩雲邨樓宇主要是雙工字型，一幢雙工字型再分成兩座，而樓宇命名係一雙一對，對應彩雲意景： 「日月樓配星辰樓 、時雨樓配甘霖樓、 游龍樓配飛鳳樓、玉麟樓配白鳳樓 」 只要遊走係彩雲，細心留意每楝樓宇嘅名字，就會覺得自己身處係雲層星際之間。 彩雲邨地標係一棵大榕樹，在興建彩雲邨之前已經存在，保守估計佢有 60-80歲，已納入香港古樹名木冊，設計時刻意留低成為屋邨一部分，圍牆提上對聯「彩雲生祥瑞降臨家戶，古樹茂繁華映帶商場」，見證住彩雲嘅變遷。 #新蒲崗 #黃大仙 #鑽石山 #彩雲邨 #轉 #18區神秘學 原文： facebook.com/penhousesanpokong/posts/170953058070170