終於入場睇左鬼滅之刃啦♪(´ε｀ ) ——————以下可能含有少量微量劇情—————— . . . . . . 「家庭」可以講一直都係鬼滅之刃既其中一個核心：禰豆子同炭治郎既兄妹情、不死川兄弟既矛盾等等。今集劇場版中，交代左部分煉獄杏壽郎既家庭情況，年幼時受到母親教誨，深深明白到能力強大者就應該肩負起照顧弱小既責任，從此以後就堅守呢一個信念，亦都做到香港劇場版海報上所講既「我會善盡我的職責 在場的每一人 誰都不會死去」🔥 同時，炎柱對弟弟千壽郎講既一番說話都令人非常感動，提醒弟弟要保持熱情，代替父親成為弟弟最堅強既後盾，充分表現出哥哥對年幼弟弟既關愛之情。 強大既實力令到上弦之三猗窩座都希望炎柱可以成為鬼，更再三強調唔希望見到炎柱老弱，不如就係依家最強大時被佢殺死就好了。只要炎柱成為鬼，咁就可以超越人既肉身，可以同佢永遠對戰下去。 （即使無開啟斑紋，都可以同猗窩座戰鬥到天光，戰力不愧是在柱之中既數一數二！） 炎柱面對強大既猗窩座都無絲毫既迷失，仍然堅守信念，無私地奉獻一切保護弱小。就算去到最後一刻，仍然盡強者既責任全力去對付敵人，即使要犧牲都在所不惜，實在令人動容！！ （哭到不行......... ゜・(ノД`)・゜大哥！請收下我既尊敬！ 另外，原來作者吾峠呼世晴老師早係10月時發表左《煉獄外傳》，好期待正式出版漢化！ P.s. 好多謝ufotable製作咁高還原度既鬼滅動畫 非常流暢既戰鬥畫面度！人物更沒有一絲崩壞！ 令到吾峠呼世晴老師既作品更多人認識，獲得更多人喜愛✨ #鬼滅之刃 #鬼滅の刃 #炎柱 #電影 #movie #影評