《教束》一部一年半前播出嘅電視劇。當時同大部份人一樣因為反送中運動先岩岩開始，根本冇心機追劇。😪 多謝武漢肺炎，依家反而多左好多時間睇劇。結果呢一場「反對馬修書院成為直資學校」運動完全感動到我！🙈 雖然一開始感覺《教束》都係行「熱血亞洲偶像劇公式」，一隊參差不齊嘅隊伍挑戰一班完美嘅人，然後有共同目標所以聯合次要敵要敵人打BOSS，最後和好如初成為好朋友，BBQ。雖然結局一樣，但唔同嘅係大部份「偶像劇」當中都有一位白馬王子主角去成全呢一切，而《教束》裡面成功嘅係因為每一個人嘅努力，冇大集團、冇唔知邊到黎嘅一大筆資金、冇董事長，靠嘅係因學生會付出過嘅努力而感動嘅家長會、沉默大多數嘅校友會、為錢出賣過伙伴嘅港豬主角盧Sir、左膠大人同副校長、最後醒覺又或者其實同佢老豆一樣自私嘅次要敵人梁Sir、同付出心血係抗爭的學生們。 當你需要叉叉電嘅時候，《教束》的確可以令人重拾力量，係一部十分值得推薦比大家嘅電視劇👍🏻👍🏻👍🏻 #劇評 #ViuTv #煲劇 #港劇 #教束 #開箱 #劇集開箱