《怪誕黑巫后》⁣ ⁣ 滿滿期待，中學嘅回憶返晒嚟！⁣ ⁣ 《The Witches 》🧙‍♀️ 貴為我中學必睇英文課堂讀物，老師仲會上堂播嗰套1990年版嘅電影！嗰時唔使聽書又有電影睇，爽！ ⁣ 呢個經典故事翻拍，又有Anne Hathaway，梗係興奮又期待！入戲院之前睇左好多影評，做足心理建構，有啲評論話唔啱大人睇，亦唔適合小朋友，原因：故事太簡單，大朋友表示智商下降；女巫造型又太恐怖，嚇壞小朋友（我嘅疑惑係：小朋友真係咁容易嚇壞？）⁣ ⁣ 對於事前已有心理建構嘅我，睇落又冇咁差！算係交到功課，cg逼真，復古又華麗嘅色調設定，加上Anne 着上各種華麗服裝，稱得上為視覺盛宴。⁣ ⁣ 新版Grand High Witch比舊版易入口得多。雖然Anne個裂口嘴配埋個生蟲嘅爛頭皮成功製造嘔心感，但都掩蓋唔到佢嘅美麗，只要有Anne嘅畫面都成功吸引眼球。⁣ ⁣ 比較多人垢病嘅係故事內容太簡單直白，壞人未出手就俾對手收左皮，被指太兒戲。但諗深一層，呢套係兒童文學讀物，其實比舊版電影更為接近原版小說，所以對我嚟講唔會扣太多分。⁣ ⁣ 當然有更大嘅進步空間，我會比較針對不同篇幅嘅調整作出建議。前段嘅鋪排佔比太多太冗長，比較悶；要到Anne出現先好睇番！特別係後段精彩嘅鬥智鬥力，應該加大篇幅去描寫！咁成件事就正好多！或許可以同時提升到黑人外婆同呀孫角色嘅鮮明度。⁣ ⁣ 令我懊惱嘅點係：Anne特登扮出嚟嘅奇怪口音，我真係有啲搞唔掂...可以有口音，但可以自然啲。⁣ ⁣ 總括嚟講，收貨啦！對得住Roald Dah ，Anne算成功撐起整套戲，總算冇後悔買飛入場！⁣ ⁣ 名稱: #怪誕黑巫后 (The Witches)⁣ 片種: #喜劇, #冒險, #奇幻⁣ 導演: 羅拔湛米基斯⁣ 主演: 安夏菲慧 , 奧緹華史賓莎 , 史丹利杜斯⁣ 級別:IIA 級⁣ 語言:英語 (中文字幕)⁣ 上映:2020年10月29日, Thu (公映)⁣ ⁣ 小龍女 ⁣ #TheWitches #CharlieandtheChocolateFactory #RoaldDahl⁣ #阿甘正傳 #RobertZemeckis #AnneHathaway #GuillermodelToro #NicolasRoegi # #電影控 #電影 #影評 #電影語錄 #電影推薦 #moviequotes #moviereview #hkig #movie #hkg #電影觀後感 #電影台詞 #hkmovie #instamovies #女巫們 #warnerbroshk