香港中學生就係應該咁簡單... //我今日喺荃灣見到呢個情境。 我迎面問呢三位學生哥：「喂細路，做乜唔遮埋佢？」 A細路答：「好迫啊！」 B細路答：「吓？佢自願架喎！」 C細路澄清：「佢見好迫，所以咪自願唔入嚟囉！」 然後四個一齊笑。 我差唔多越過佢地，我笑住話：「迫啲咪迫啲囉，人地gel左頭，無謂整濕吖！」 然後ABC三位故意再摷下D細路個頭：「係咩？你gel左咩？唔覺喎！唔好意思喎！咁遮埋囉！」 然後我回頭望（圖二），果然最後都遮埋佢！ 我印象中嘅學生就係咁，你推我撞就一日。可惜日日睇新聞就見到有學生要面臨打劫殺人般的刑期。事實佢地無殺人，只係有人想佢地死。 好多年前一位我好尊敬嘅老師問我：「你覺得一個化學科教授勁啲，定係一個化學科學生勁啲？」 我毫不懷疑就答：「梗係教授勁啦大佬！」 我老師好淡定咁擰頭：「化學教授嘅地位已經定左，著作已經定晒，佢嘅終點可以係你嘅起點。」呢個例子係有少少極端，但不無道理。 我地呢一批年輕人一定係開埠以來最勁！唔止係因為某啲人嘅終點係你地嘅起點🤫 而且係因為你地本身真係好L勁... 個天清就望遠啲！ 夜晚暗就望近啲！ 喘氣就呼吸深啲！ 落大雨就企埋啲！ I love you guys ! you will be fine ! 👍🏻// #chanfaatfaat #荃灣 #中學生