前無綫新聞小花陳嘉倩擺款恰新人 被數5宗罪 身為前無綫新聞小花的陳嘉倩笑容又True又Pure,被網民捧到上天,但有讀者爆料聲稱要撕破女神面具,提供短片公開嘉倩「犯眾憎實錄」,力數她拍廣告時黑面、恰新人、做「路霸」、臨場拒拍及趕收工「5宗罪」,累工作人員執手尾! 有「嘉倩BB」美譽的陳嘉倩樣子清純,兼且形象專業討好,雖然離開無綫新聞主播行列轉戰藝能界,其社交網依然有19萬追隨者。不少藝人在疫情下冇工開,反觀她拍節目、廣告冇停手,足見她人見人愛。不過早前有「揞名爆」方式傳她工作態度差,傾合作或做傳媒訪問都要人等逾1小時,又指她愛擺「阿姐款」! 當眾扯Bra 昨日再有自稱是嘉倩的「忠粉」爆料,指有幸以工作人員身份參與拍廣告,可跟女神近距離接觸,鏡頭前與偶像和工作團隊開心Selfie,但鏡頭後「忠粉」卻目擊現實中的嘉倩不似預期,被其「港女本色」嚇親,故公開兩段「廣告花絮短片」,給各位宅男「溫馨提示」。 短片中,嘉倩、藝人周子揚及新演員黃以諾忙拍廣告,爆料者聲稱當時導演正教黃以諾模仿郭富城《唱這歌》的「一腳朝天」經典甫士,懷疑黃以諾頻頻NG關係,站在一旁等埋位的嘉倩翹埋雙手,表現有點不耐煩,更黑口黑面睥着新人! 另一段視頻見嘉倩努力補妝,爆料者表示「愛靚無罪」,但她全程企在通道中間,阻礙另外兩位演員綵排,簡直「旁若無人」。到正式埋位,嘉倩當着男工作人員面前,雙手「豪邁」扯Bra,與平日仙氣Feel有很大分別。 除了「真情流露」令女神形象崩壞外,爆料者指最令全組工作人員不滿是,該廣告原本講述嘉倩深受鼻鼾困擾,可是其經理人突然以「保女神形象」而拒拍,要臨時改劇本。之後拍攝最後的求婚戲,爆料者稱經理人再次以「覺得呢場戲冇需要」,加上要準時3時收工離場為由,令在場所有人「O嘴」,結果廣告拍到「甩皮甩骨」,要勞煩工作人員OT,重組故事及剪輯修改。 爆料者補充指廣告由早上10時拍至下午3時,但嘉倩化妝需時超過1粒鐘,加上臨時改劇本,令拍攝進度「遲上加遲」,他說:「成個廣告其實正式拍只係3個鐘,佢就袋幾皮嘢,補拍要另計錢喎!」 「點會幫自己倒米?」 昨日嘉倩受訪時表示:「咁奇怪?我每次同人合作都好愉快,真係成頭問號!(覺得被屈?)始終未查清係咩事,一笑置之吧。」嘉倩經理人亦稱:「唔可能,點會幫自己倒米?咁諗嘢嗰陣唔會笑盈盈,同埋佢要兼顧埋背稿。」而有份拍廣告的周子揚表示:「個廣告有啲未拍晒,都覺得幾遺憾。(傳同嘉倩有關?)咁拍嘢有NG,Delay都正常嘅,時間唔係好夠囉。」對於嘉倩被指長期黑面,他說:「可能係角度問題啫。」 #陳嘉倩

Related Feeds

雖然佢哋當年唱歌走曬音,但都係90後嘅回憶! 唔知佢哋係咪真係開得成演唱會😂😂 #twins #一開心唱飲歌

牙醫同光漢deedee 係親戚? 似樣喎 #許廷鏗 #許光漢 #撞樣 #HKnearD #nearDgossip #想見你 #牙醫

八婆月野兔 八婆偵測器 講左呢單未? ——-轉—- 大家好,我今日飛咗去曼谷啦,原本諗住可以開開心心輕鬆兩日點知係機上發生咗一d小插曲! 話說我今次嚟曼谷係參加一個朋友嘅宴會,因為機票同酒店都係朋友準備嘅所以我並沒有多加要求,而國泰嘅economy對我嚟講亦係相當舒適,服務一向亦非常專業! 講返正題先,我今朝乘坐嘅航班係國泰嘅CX 619,我坐位係43D,我係航班中途㩒咗個叫空中服務員嘅燈因為我想借支筆填入境表。 我㩒咗一次好耐都冇人嚟於是我就睇睇我坐位上嘅燈,咦,點解熄咗但又冇人問我有咩需要嘅🤔? 唔緊要,我再㩒過,點知又係俾人熄咗。 之後我㩒第3次,今次我就刻意向後啤睇吓會唔會睇到究竟發生咩事,終於俾我睇到啦,原來有個空姐係我後面熄咗我盞燈然係就擰轉面行開咗!佢係完全冇問過我有咩需要就行開咗,我想叫都叫唔住佢! 其實我好明白空中服務員嘅工作係非常忙碌,有時候會唔覺意miss咗都唔出奇,特別係economy class因為佢哋要照顧大量乘客所以我都好體諒,但當我一而再再而三都被忽略嘅時候,加上我親眼見到個位空中服務員嘅行為,我開始明白事情可能並唔係我想像中咁簡單! 跟住我再㩒第4次,終於有個女仔急急腳走嚟,然後好有禮貎問我有咩需要跟住我就問佢借咗支筆填表。填完表後我諗咗一陣剛剛發生嘅事,我覺得有需要同機上嘅高級空中服務員表達,因為我唔希望呢種不快嘅事情會發生喺其他人身上。 於是我再㩒燈,借筆俾我個位空姐再次出現,我還返支筆俾佢嘅同時我同佢講,希望可以將我嘅感受同佢上司反映。佢問我發生咩事,於是我就敘述返整個過程。佢好好,佢馬上就幫我同咗佢上司反映,之後就有一位比較高級嘅男空中服務員過嚟問我更多detail。佢態度好好,不停同我講唔好意思同埋佢不停來來回回咁幫我揾係邊個空姐咁唔專業。 過咗幾分鐘左右個男空中服務員過嚟搵我,佢同我講佢已經同經理講咗件事同埋已經發現咗係邊個,佢問我想點處理。 我向佢表示其實我只係想反映件事,希望呢種事情唔會發生喺其他乘客身上。 佢不停向我道歉,佢絕對係一個非常專業同有禮貌嘅空中服務員所以我都想係呢到同佢講聲多謝🙏🏻 (好後悔冇問佢叫咩名) 我講件事出嚟係希望國泰可以積極處理類似嘅問題,因為作為全球其中一間最可信嘅航空公司發生咁嘅事實在係令我好驚訝😦 如果國泰嘅高層想了解更多關於這次事件嘅詳情,我絕對歡迎你哋同我聯絡! 再一次多謝個位男空中服務員同機艙經理嘅幫忙🙏🏻 Thank you! Cathaypacific #cathaypacific #國泰航空

娛樂百分百

想睇八卦娛樂嘢?入嚟一齊傾吓囉!

娛樂百分百

洪水橋燒雞姐

76 Followers

0 Followings

587 feeds

洪水橋燒雞姐

Tiffany

175 Followers

0 Followings

251 feeds

Tiffany

Maple

2 Followers

0 Followings

22 feeds

Maple

師奶仔

64 Followers

3 Followings

187 feeds

師奶仔

電視精

14 Followers

0 Followings

108 feeds

電視精

八婆月野兔

114 Followers

1 Followings

900 feeds

八婆月野兔

大乳雲

3 Followers

0 Followings

114 feeds

大乳雲

Hill Cheung

0 Followers

0 Followings

58 feeds

Hill Cheung

Call me Queen!

12 Followers

6 Followings

108 feeds

Call me Queen!

China

Hong Kong

New Territories

Hong Kong Island

Eastern District

Eastern District

A Kung Ngam

North Point

Yuen Long District

Yuen Long District

Fortress Hill

Lui Kung Tin

Shek Kong

Fortress Hill Road

Fortress Hill Road Garden