《衰仔樂園》出名夠賤格加寸寸貢，上個禮拜疫症特輯 (Pandemic Special) 講咗一啲2020大事，有美國Black Lives Matter 運動啦，最大件事、影響最多人嘅「武漢肺炎」當然都係無漏到啦，而劇情都係相當抵死！🙈 話說劇中有學者話武漢蝙蝠是疫情源頭，上集喺強國Sell大麻嘅Randy，諗起自己同米_老鼠曾經喺強國後巷、同過蝙蝠「啪啪啪」，所以懷疑自己闖咗彌天大禍，令全世界都深陷疫情陰霾。 之後學者話蝙蝠唔係源頭、穿山甲先係，點知原來Randy自己都有喺酒店同穿山甲「啪啪啪」，為咗守住呢個秘密，Randy決定潛入實驗室、偷走同佢啪啪啪過嘅嗰隻穿山甲。 嗱，以上純屬劇情，如有雷同實屬巧合。如果你係來自心臟強度偏低嘅強國，千祈唔好對號入座呀！ #衰仔樂園 #南方四賤客 #SouthPark