被指遭楊明正印莊思明嚇窒的許芯悅（Katie），原本近乎零知名度，但她近日以受害者姿態哭訴慘況，在日日見報下，人氣成功飆升。至於被指控制欲旺盛的拿督千金莊思明，連日亦緊貼事態發展，在IG多次留言反擊，除了指自己才是受害者，亦鬧爆對方作故仔屈自己，昨晚她再開po，嘲諷對方十足小丑一樣可笑。「其實佢都幾好笑！」再hashtag「想笑死我」、「有個小丑o氹自己開心」、「都幾幸福呀」、「你再講大話小心變咗木偶鼻」。兩女隔空互撼，花生再度賣斷市。 事實上，被許芯悅咬實唔放的莊思明，除了眼神凌厲、五官剛陽味濃外，性格上亦屬強悍類型，每遇到問題都喜用IG和facebook開口就鬧，用詞之狠辣屬娛圈少見。除了今次為男友楊明和許芯悅火併，去年她在IG story上亦有留言：「真係唔明白點解啲再造人，可以成日咁唔要面，纏着人哋嘅男朋友，有人可以解答嗎？」她更hashtag指世上太多不要臉的人，幸好男友不是這種人，莊思明又指：「好彩男友好錫我，乜都同我講，仲會同我一齊笑。」莊思明疑似對第三者「再造人」開火，但她事後卻解釋只是為朋友抱不平。 #莊思明 同 #楊明 真係娛樂圈MK嚟架喎